日本AV女優個個都性技非凡，對性愛相當渴求，事實上日本女仔思想卻相當保守。好多調查都話男人唔鍾意大胸女，而喺日本男人心目中又鍾意欣賞女仔邊一個身體部位呢？男人一向都以事業為重，認為事業有成至能夠令女人心動，其實女仔嘅心思佢哋又明唔明呢？
小弟長年處於單身狀態，好多親友都勸我唔好成日都只係沉溺於AV世界當中，不妨多參加各種興趣班，一來打發時間，二來學門手藝，三來可以擴闊社交圈子。其實小弟本身都有好多嘢想學，例如日文，而學日文最好就梗係直接飛去日本啦！可以學習又可以識多啲日本女仔，你話幾好呢？不過諗諗吓都係唔好喇，識到日本女仔都冇用，因為有調查顯示佢哋對於身邊嘅異性興趣不大，鮮會喺朋友圈子當中搵上床對象。早前東京一間機構訪問咗147名成名男女，問到佢哋會唔會對朋友嘅戀人有性幻想，有25.8%男士表示有，佢哋認為同朋友嘅女友上床完全可以接受，至於女仔就壓倒性地唔接受，只有7.4%受訪女仔話可以考慮同朋友嘅男友上床。至於對待身邊嘅異性佢哋又點睇呢？65%男仔就話同身邊嘅女性朋友上床冇問題，然而受訪女仔就只有16%對男性朋友產生上床嘅興趣，睇嚟同日本女仔由朋友發展為情人嘅方法行唔通，一嚟就要同佢哋做情侶至為實際。
如果大家有睇日本AV多年，都會發現家陣嘅女優同以前老一派嘅女優有不同之處，分別在於現役女優好多都係大波妹，仲愈大愈有人氣，好似擁有O Cup超重量級爆乳嘅Hitomi由日本紅到過美國喇。老實講，小弟都係巨乳狂熱分子，睇AV都一定要揀個大波女優至會睇，而事實上日本男士們又係咪咁多人鍾意大波妹呢？網站My Navi早前就最能夠吸引男士嘅女性部位進行過調查，訪問咗129名年齡介乎22至39歲嘅男士，結果喜歡女仔飽滿下唇嘅只係得17.8%，修長美腿佔23.3%。美尻女優喺日本好受歡迎，排名又點呢？只有27.1%票數支持美尻，纖腰則以39.5%排名第二位，最受男人歡迎嘅就係女仔豐滿嘅雙峰，所得票數佔48.8%之多！唔怪得巨乳女優無論喺寫真界同AV界都大行其道啦！
早前參加朋友嘅婚宴，新郎哥就特別拉我埋一邊密密斟，同我講姊妹團當中有好多都係單身，唔少都係賢良淑德，娶咗佢哋一定唔使為屋企事煩惱，大可以專心工作，最重要就係放心去「應酬」。老實講，新郎哥又真係講出我娶妻嘅要求，小弟又肥又矮又冇銀，終日要為生計打拚，對於娶妻要求只係得一樣，就係顧家喇！不過，話說回來，女仔又鍾唔鍾意顧家嘅男人呢？外國一個調查訪問咗284名介乎適婚年齡嘅女士，要求佢哋喺有錢仔同住家男人之間作出選擇，大家好可能會估計女仔梗係鍾意有錢仔？答案又唔係咁喎！有40%女仔表示會揀有錢仔，而有60%女仔就話鍾意照顧家庭嘅住家男人。有錢佬既然未論到我哋做，各位兄弟想吸引女仔就一於向住家男人方向發展喇！
撰文：賢