日本寫真界多美女就人所共知，佢哋靚得嚟仲擁有一副好身材，同時一身雪白美肌，集三大誘人優點於一身！今日就為大家介紹兩個人辦，分別係可愛嫩妹小池里奈，以及氣質美人杉本有美，睇完大家就知道咩叫做上天嘅傑作喇！
為咗慶祝成功從多年學習當中得到解脫，唔少學生哥會自行組團，或者由學校安排畢業旅行，小池里奈最近就去咗一轉喇。22歲嘅小池里奈無比可愛，笑起上嚟露出嘅小動物系笑容真係令人甜到入心，窩心之餘，仲覺得煩悶冇晒，可以話治愈能力奇高！小池里奈雖然唔係巨乳尤物，但係胴體婀娜帶點豐滿感覺，最吸引嘅地方係肌膚白滑又帶光澤，鮮嫩程度猶如剝殼雞蛋一樣，如果畀食人族見到阿妹，食完之後肯定會餓死，因為再食唔落其他粗糙肉質嘛！
最近，里奈妹大學畢業，為慶祝完成大學課程，佢特別去到巴黎嚟個畢業旅行，同時拍攝《Rina Paris》呢部最新寫真作品。當中小池里奈會帶大家去到巴黎各個優美景點遊覽一番，同時讓大家感受一下里奈嘅天真奔放。當然，里奈亦唔會收收埋埋，換上性感泳裝同內衣示人，用一身鮮嫩胴體為大家提供無限春光。
收錄時間：127分鐘
售價：約HK$280
小弟一向都好留意日本寫真界動向，除咗巨乳系女優好似今野杏南、星名美津紀等深得我心，氣質美人一樣令我着迷，以前有瀨戶早妃，家陣就有杉本有美。杉本有美擁有一副人胚子，面上帶幾分古典美之餘，又有幾分妖艷美，呢種氣質令男人心如鹿撞，午夜夢迴依然揮不去其迷人面孔。除咗氣質勝過好多寫真女郎，有美嘅身材亦相當吸引，擁有5呎7吋嘅高挑身材，上圍同坐圍都豐滿堅挺，加埋23吋小蠻腰同長腿，可以話無懈可擊！
想充分感受有美嘅魅力，梗係睇佢最新嘅寫真作品《MY CONCLUSION》啦！去到關島取景，原因係杉本有美第一次拍寫真就係喺關島，重遊舊地除咗想緬懷一下之外，仲希望為自己多年嘅寫真生涯作一次總結，當然亦會施展渾身解數，以性感火辣嘅衣着及誘人胴體展現美態刺激大家嘅視覺神經，將出道以來醞釀已久嘅魅力一次過發放！
收錄時間：78分鐘
售價：約HK$206
撰文：賢