正所謂「人為財死，鳥為食亡」，只要人類社會一日以金錢作為交易媒介，就注定一生就要為錢財而奔波。好似內地有賓館為咗增加收入，不惜鋌而走險同色情服務掛鈎，而台灣則大規模招攬內地囡囡從事色情服務行業。縱然日本風俗事業非常發達，有關方面最近亦加強清掃違法風俗店，唔知背後有咩原因呢！
以往入住內地賓館，總會有人派發尋春卡片，有興趣嘅玩家可以根據卡片上嘅電話號碼聯絡對方，然後等對方帶囡囡嚟睇辦，再進行交易。
而浙江杭州富陽城區有賓館老闆為咗賺多啲錢，竟然同呢啲色情中介合作，讓對方長期租用房間之餘，任由佢哋喺賓館內派發宣傳卡片。據講呢啲卡片上不但印有性感女郎嘅相片，仲有齊提供服務嘅聯繫方式。呢種做法對於玩家嚟講梗係方便到極，事關按照相關法例規定，任何入住賓館嘅住客都先要用證件登記，而呢間賓館嘅住客不但唔使登記，更由於賓館內嘅監控鏡頭被蓄意破壞關係，縱然有事起嚟都可以冇證據打得甩。不過，早前賓館被有關當局嚴打，更吊銷埋特種行業許可證。
以往喺台灣從事色情服務嘅囡囡，好多時都係以個體戶形式赴台，當中最常見嘅就係以觀光客身份到台灣。早前就發現有人口販運集團，以雜技團演員嘅名義邀請內地女生到台灣表演，實情係提供色情服務。事實上，早喺半年前呢個集團已引起有關當局注意，經過多番追查後，發現集團將囡囡分成6批，總共帶引咗約82名內地女子赴台。
據其中一位被捕嘅內地女子稱，到台灣之前須先預繳30,000元人民幣，如果畀唔起嘅話就要去到台灣後賺錢再還，每次服務收費由3,000至5,000新台幣（約750至1,250港元）不等，而囡囡則每次可賺取2,000新台幣（約500港元），如果一次還唔晒嘅話，仲要赴台多一次，直至還清為止。最後呢個集團被破獲，被捕嘅13人被移送台北地檢署偵辦。
如果有留意開日本風俗業新聞，都會知道東京著名嘅紅燈區歌舞伎町被大力清掃，原因係就嚟到大型運動會舉辦日子，所以有關方面為咗令到市面更加企理，故此便針對風俗業進行大掃除，尤其係一啲違規經營嘅風俗店，更係佢哋嘅清掃對象。最近有關當局就掃除咗新宿四谷區多間違規經營風俗店，並且將負責人及風俗孃一併逮捕。
據其中一個被捕負責人稱，由於面對歌舞伎町經營愈嚟愈困難關係，所以最近先至移到四谷區營業，卻估唔到咁快就畀有關當局查封，連帶風俗店嘅網站亦被刪除。至於東京警視廳表示，為咗整潔市容，相關行動會繼續進行，而有關嘅打擊力度甚至會加強。
撰文：魂