好多巴打都鍾意後生女，但我覺得輕熟女係最正，就好似今日為大家介紹呢本寫真集女主角永尾麻里亞咁。此外，仲會介紹一本情色工具書教大家點樣好似初熟嘅少男少女咁喺床上充滿激情，大家一齊嚟感受呢股初熟魅力啦！
內衣同泳衣都係貼身衣物，但係泳衣係着出嚟畀人睇，而內衣係唔會咁容易畀人見到，所以當寫真集女優以內衣Look示人，代表佢已豁出去瞓身喺寫真界發展，最近青春玉女永尾麻里亞就下定呢個決心喇！
今年22歲嘅永尾麻里亞，雖然五官唔算標致迷人，但係散發出一股獨特氣質及明星風采，大家冇睇錯，其實麻里亞來頭不小，因為佢就係AKB48嘅第9期成員，自2009年開始到今年3月初正式畢業作個人發展。同好多師姐一樣，離開AKB48呢個大家庭之後，麻里亞第一時間就進軍寫真界，而佢最新推出嘅個人寫真集《美麗的細胞》更有突破性演出，換上內衣搔首弄姿，賣弄初熟嘅胴體以及風情萬種嘅一面，一洗以往健康又斯文嘅形象。
書名：《美麗的細胞》
售價：約HK$133
情為何物？係霸道，係完全擁有！情慾小說《PS... You're Mine》，書名毫無驚喜，但古仔卻引人入「性」！全書128頁，故事單刀直入，無多餘人物角色，內容甜得嚟又夠鹹，低俗得嚟又令人產生無限遐想！
女主角Katie Lovely好食懶做，但為咗完成份工作報告，公司要求佢去海外參加一個艱苦訓練課程，Katie當然極之不願意，諗盡方法解決，佢寄咗封信去對方單位，希望負責人可以提供資料，而Katie就可以安坐家中輕鬆完成報告，點知對方以為係一封求愛信，最後取錄咗Katie，惟有頂硬上。由於完全零準備，加上人生路不熟，第一日到埗已覺得好難捱，當Katie見到收信嗰位教官，竟然係一班高大猛男，為求盡快離開「地獄」，施展美色誘惑，雖然對教官冇好感，但嬌聲嗲氣反令教官更多美麗誤會，之後更向Katie展開熱烈追求，為咗完成報告，即使對男方無意都要扮受落，但呢一錯就令佢展開一段不一樣人生。
書名：《PS... You're Mine》
售價：約HK$35（電子版）
人大咗總會有愈嚟愈多嘅事情煩惱，以致30歲出頭，就已經對性愛缺乏興趣，甚至變得有心無力。為咗解決呢班男女嘅性愛煩惱，日本女性醫學專家松村圭子夥同柔道整復師兼抗老化療法專家中辻正合著《女醫師與整復師傾囊相授：每次都像20歲般的高潮性愛》，等大家重拾20歲時嘅無比激情同動力。佢哋深明輕熟男女喺呢個年紀，唔係覺得自己體力大不如前，就係對性愛失去興趣，因此提出重拾激情快感，大家需要嘅並非高難度體位，而係好好咁享受一次美好嘅性愛。佢哋從調整睡眠、運動同飲食三方面着手，再配合整復大師中辻正獨家鑽研嘅5分鐘深層按摩，大家可以喺唔需要特殊場地同道具嘅情況下，就能激發出年輕時嘅活力。書中又指出女性喺食飽飽之後容易濕潤，而男性亦容易進入作戰狀態，並提供滋陰壯陽嘅食物作參考。另外，又教大家只要用一條打咗結嘅毛巾按壓特定嘅部位，男性嘅兵器就可以變得更有力同持久，當然仲有唔少獨門秘技，絕對值得一看！
書名：《女醫師與整復師傾囊相授：每次都像20歲般的高潮性愛》
作者：松村圭子、中辻正
譯者：李伊芳
售價：約HK$70
撰文：賢、祖、魂