喺街上見到男男女女都做晒低頭族，成日耷低頭睇手機除咗影響頸椎，仲會令男人嘅精子量減少！巨乳令男人着迷，但係一個調查就發現，男人嘅性幻想對象好多都係平胸妹。生活節奏急促會影響健康，之不過好多人為求快捷，就算連做愛都要快過人。
有報道指低頭族愈來愈多，佢哋幾乎無分晝夜咁耷低頭睇手機，最後引起健康問題，甚至出現廿幾歲仔生骨刺嘅情況。早前以色列醫學界進行一項有關男性使用手機嘅研究，搵來104位成年男士協助，經過一年時間觀察後，報告指出男性每日接觸手機一小時，不論係講電話、放喺身邊充電，抑或放喺褲袋，就有47%男士嘅精子數量大幅下降！咁點算呀？負責研究嘅Ariel Zilberlicht博士話，唔用手機當然係最好，否則將手機放喺距離自己至少1呎範圍嘅地方，同時曬多啲太陽，食多啲含維他命B及鋅嘅食物，例如芝士同豆類等都有幫助。
家陣全球有好多疾病肆虐，大家真係要注意衞生，之不過好多人為咗一時之快而忘記呢一點。日本有風俗孃招待客人嘅時候提供即尺服務，即係一入房唔沖涼，前戲都唔做就即刻開波，真係聽見都覺得唔衞生。然而，現實中又有幾多人會嚟個即尺呢？知名日本化妝品牌就呢個問題訪問咗182位成年男士，得出結果都幾驚人，居然有45位表示會同女伴即尺。嘩！上床唔同食快餐呀大佬，做男人幾急色都要有風度同情趣，同女伴做吓前戲，攬攬錫錫培養一下情緒都好吖！而且即尺做愛，令女伴感受唔到愛意，繼而影響彼此感情。
雖然明知幻想係美麗，現實係殘酷，但係幻想又唔使錢又冇限制，男人嘅性幻想梗係有咁誇張得咁誇張，有咁離譜得咁離譜啦！例如幻想自己係大富豪可以包養所有索女進行大混戰，又或者身邊嘅女同事全部向自己投懷送抱等。為咗了解男士們嘅性幻想，加拿大網站Men's Health早前訪問咗1,500位成年男士，問佢哋自娛嘅時候會有咩性幻想？結果發現有64%會幻想同相識嘅女性開波，咁又唔出奇，身邊好多女仔都係睇得唔食得，梗係靠性幻想嚟滿足慾望啦。另外，有48%幻想喺公共交通工具進行性戰。最出奇嘅係有52%表示性幻想對象係平胸妹，據負責調查嘅有關人等表示，由於受訪者作答時可以答多個選項，所以有好多人答會幻想同相識嘅女性上床，而現實生活當中巨乳妹又的確唔多，故答平胸妹嘅比率隨之而上升。
撰文：賢