惡人有惡報，究竟現實中又係咪咁呢？對於呢個問題，大家都心裏有數。無喇喇做乜喺度講啲咁深層次嘅問題？咪就係因為內地一個大型掃黃行動，終於嚟個最後清算囉！台灣除咗有半套同全套玩法之外，原來仲有三分之一套玩法。日本最近興起名為「Yanmama」嘅風俗店，究竟係玩咩嘅呢？大家睇落去就知喇！
最近河南省公安部門公布，鄭州「皇家一號」案共查處咗152名受賄、索賄、徇私枉法、參股賭場等違紀又違法嘅公安民警、檢察官同處級領導幹部等人，又收繳違紀資金超過800萬元人民幣，當中部分高層幹部共32人更被移送司法機關追究刑事責任。究竟「皇家一號」案件係乜嘢嚟呢？「皇家一號」係一間位處市中心嘅大型夜總會，有「中原第一大會所」嘅稱號，由2012年開業，曾多次被嚴打，但憑住背後政法勢力所充當嘅保護傘一直逍遙法外。及至2013年11月河南省警方異地用警進行查封，並控以相關負責人組織賣淫同協助組織賣淫罪、非法經營罪、逃稅罪、容留吸毒罪等多項罪名。夜總會嘅負責人同一干人等喺上年被判以10年到15年有期徒刑，並處以8萬到100萬元人民幣不等嘅罰款。到咗上個月，以往曾充當保護傘嘅政法勢力亦被起訴。
如果有留意台灣嘅玩法，不外乎半套同全套兩種，前者即係手作仔同口舌服務，而後者係真箇銷魂，兩者相同之處係玩家都需要剝光豬進行。不過原來仲有「三分之一套」玩法，所謂「三分之一」嘅意思，即係玩家喺唔使剝光豬嘅情況下，能夠享受到半套服務，呢種玩法嘅好處係比較衞生之餘，由於冇全身裸露關係，當遇到警察突擊檢查時就冇咁騰雞，有機會走得甩。雖然話係咁講，但上個月台北警方就破獲咗一間位於五權路嘅色情按摩站，另外又喺同一條街破獲一間色情養生館。據其中一位被捕嘅陳姓按摩女郎表示，佢上班半年並向客人提供「三分之一套」服務，至於收費由1,800新台幣（約450港元）至2,800新台幣（約700港元）不等。據講其實呢種玩法喺好多年前已經有，家陣只不過係捲土重來而已。
日本有唔少以人妻作招徠嘅風俗店，當中可以細分為若妻（即係新婚人妻）及熟妻等，滿足唔同玩家嘅口味。不過對於創意十足嘅日本風俗業者嚟講，呢啲人妻風俗店欠新意，故此最近出現一種另類人妻風俗店「Yanmama」。點解話佢係另類呢？因為「Yanmama」嘅意思係由「Young」同埋「Mama」兩個字結合而成，解做年輕媽媽。事實上，「Yanmama」呢個詞語早喺上世紀末已喺日本出現，當時有唔少高中剛畢業嘅女生懷孕，故此得到呢個稱號。雖然係舊酒新瓶之作，但卻吸引咗唔少玩家捧場，好似一間位於涉谷嘅S字頭風俗店，就以「Yanmama」作招徠，據講收費唔平，65分鐘嘅服務收費15,000日圓（約1,035港元），然而每晚嘅生意都相當好，皆因呢班囡囡夠後生，平均年齡20出頭，而且玩得放，難怪大受歡迎。
撰文：魂