香港時間今日就係一年一度嘅影壇盛事奧斯卡頒獎典禮，其實早前日本AV界已經烽煙四起，因為連場頒獎禮已進行得如火如荼，好似「SkyPerfecTV成人放送大獎2016」就正接受各界AV迷投票，另一方面，「DMM成人大獎」亦宣告再次舉行，上屆由湊莉久爆冷奪得最優秀女優獎，今次火辣尤物JULIA就矢言要報上屆一箭之仇，不過又係咪咁容易呢？今日就同大家睇睇今屆最優秀女優獎嘅入圍名單。
近年日本AV界嘅頒獎禮愈來愈多，反映出AV業界之蓬勃，亦顯示出大家都對AV女優幾咁重視，為咗表揚佢哋對AV迷仆心仆命咁演出，故日本有關方面成立了大大小小的頒獎禮以表揚各位女優以及傾力演出嘅AV作品。例如「SkyPerfecTV成人放送大獎2016」將會喺3月舉行，到時大家會知道今年邊幾位女優成功問鼎多個獎項喇。家陣，最重要就係向大家宣布由日本最大AV銷售網舉辦嘅「DMM成人大獎」，將於5月4日再次舉行，地點係上次舉辦「日本成人博覽2015」嘅豊洲PIT，而由即日起至3月10日就係大家投下神聖一票嘅重要時刻，從10位超強人氣女優中選出心水女神，雖然DMM個網就有地域限定，日本地區先可以登入，之但係「DMM成人大獎」官網無此限制，大家可以盡情咁Click上www.dmm.co.jp/adultaward/網上投票！Yeah！
咁又話時話，今次又有邊10位女優可以選呢？暫時官網公布咗10位入圍最優秀女優獎嘅候選人，包括AIKA、天使萌、初川南、JULIA、紗倉真菜、佳苗瑠華、葵司、櫻由羅、大槻響以及佐山愛。呢班女優喺2015年都相當活躍，好似AIKA咁，佢拍完三仔拍四仔，然後收身成功再回歸三仔界，並瞬即憑出色表現躍身成為澀谷系天后，認真叻女。至於天使萌就唔使多講，佢喺上年連奪「DMM成人大獎」以及「SkyPerfecTV成人放送大獎」嘅最優秀新人，喺2015年更係活動多多。至於平成巨乳怪物佐山愛上年轉型做大波人妻，反應相當理想，又係一時之選。不過，小弟就梗係揀女神JULIA啦！JULIA好波又美艷迷人，喺上年表現極之落力，性技同床上演出都提升到新層次，更重要嘅係上年年尾，榮獲DMM旗下嘅AV新聞網站R18.com選為最受歡迎AV女優大獎得主，可見DMM對佢寵愛有加，今次參選擁有相當大嘅優勢。
撰文：賢