男人睇女人最緊要係乜？當然係睇樣啦！不過對玩家嚟講，波哋先至係最重要，皆因有副靚偈，真係玩乜都得，若然有埋個靚樣就更加完美。不過有人就話，講乜都假，最重要係囡囡夠體貼同主動，否則死魚咁款，令人冇起筷嘅意欲。
內地色情業界有一種囡囡叫外圍女，佢哋到外國整容回國後，就搵人拍攝性感寫真、偽造學歷及工作經驗，以模特兒身份自居，佢哋嘅肉價非常高，但仍吸引唔少玩家捧場。喺好多人眼中，呢啲外圍女嘅做法無非係拜金之故，故此當佢哋落網時，唔會有幾多人可憐佢哋。早前一位喺上海被捕嘅吳姓外圍女，透露佢之所以從事呢種工作嘅背後原因，話說佢透過中介人安排到韓國整容，回國後以模特兒身份接客，生意好嘅時候，每次收入有幾千元，每個月閒閒哋袋到5、6萬元。不過大家咪以為佢搵咁多錢，目的只係為咗食得豪着得好，據吳女稱，佢嘅收入除咗用嚟交房租之外，仲要支付屋企人嘅醫藥費同弟弟嘅學費，所以佢唔係一個貪錢嘅女人。
對好多玩家嚟講，揀女首要條件係身材好，但有部分玩家認為靚樣先至吸引到佢哋。話說早前有位嚟自廣西25歲嘅林姓女子，透過參加醫美健檢旅行團去台灣，（醫美健檢即係進行醫學美容及健康檢查），當旅行團甫到達目的地，佢就即刻離團，並透過中介人去到新北市嘅蘆洲區一間小套房，從事一樓一嘅工作。由於佢樣貌娟好，即使開出3,500新台幣（約850港元）全套服務嘅高價，仍然吸引好多玩家捧場。由於佢人氣太盛嘅關係，好快就被有關方面注意，並且採取放蛇行動，結果喺佢工作嘅套房中，搜出36個安全套同帳簿。被補嘅林女表現相當後悔，更自稱只係做過一個客人就被捕，但係警方當然唔會相信佢，皆因帳簿上已經有晒證據。
日本有出張風俗店，所謂出張即係我哋所講嘅應召，囡囡上門提供服務。之不過客人對呢種服務已經玩慣玩熟，覺得毫無新鮮感。有見及此，位於日本秋葉原嘅「Atrium」嘅出張風俗店，最近推出真空風俗孃上門服務，即係囡囡上門前先將胸圍同底褲除晒，然後心口飛釘咁出現喺玩家面前，讓玩家嘅眼睛享受到若隱若現嘅誘惑之餘，身穿迷你裙嘅風俗孃，更會將三角重地盡情展現。如果覺得咁樣仲未夠好玩嘅話，玩家可以喺預約前，先告知風俗店嘅預設劇本，讓風俗孃化身成性感OL或者上門推銷員，跟住再嚟個盡情嬉戲。唔知大家覺得呢種玩法有冇吸引力呢？
撰文：魂