熟女總選舉羽月希第一凌辱片最賣得

早前同大家講過,近期日本AV界有多個盛事正進行得如火如荼,好似被譽為「AV界奧斯卡」嘅「SkyPerfecTV成人放送大獎」及剛剛喺今個月公布第三度舉行嘅「DMM大獎」咁。喺兩個盛事都正接受公眾投票時,另一個選舉就已經順利落幕,呢個就係熟女界大事件「熟女人妻總選舉」喇!

任重道遠

日本AV界近期嘅選舉、頒獎禮都擁有廣闊涵蓋性,通常都接納成個AV界參與,當然,作為一個選舉、頒獎禮梗係愈多單位參與愈好,咁先有代表性,咁先可以帶來話題。之不過,由於涵蓋性咁多,參加單位多咗,有時就令比較冷門嘅一群唔能夠得益,所以知道「熟女人妻總選舉」啟動,小弟我不知幾咁高興,因為歷來呢類選舉通常都係選美少女,例如AV集團SOD多年前舉辦嘅「全日本灰姑娘選舉」,而多年來嘅AV頒獎禮亦多數都係由正統派女優獲獎為主,可見AV界的確係有少少忽略咗一班熟女。老實講,作為熟女迷嘅小弟絕對認同呢班風韻十足,有美貌又有演技嘅女優為AV界作出嘅貢獻,唔頒個獎畀佢哋表揚一下點得!「熟女人妻總選舉」喺上年11月隆重宣布上演,仲搵嚟譽為「千年一遇之美熟女」嘅水原梨花作為代言人,喺選舉啟動之後,梨花姐不停站咁為活動四出宣傳,不時踩上熟女攝影會、握手會送親筆簽名恤衫以及寶麗萊相片畀班熟女迷,叫佢哋踴躍投票。

希妹得民心

「熟女人妻總選舉」宣布舉辦後,有關單位就從去年1至12月推出嘅熟女系作品當中,嚴格挑選出47部出色作品,上載活動喺官方網頁畀各位熟女迷投票。經過約一個月嘅投票,今個月頭大會終於公布多個獎項嘅戰果喇。AV作品受歡迎當然要成功取悅到AV迷贏得佢哋嘅支持啦,喺47部熟女作品中,最受歡迎嘅季軍作品就係由天后級飢渴熟女北条麻妃及賽車女郎Kaori主演嘅豆腐片《SUPER熟BODY!!美熟女角色扮演者》,兩位熟女先後變身成為美少女戰士等動漫角色,上演激情磨豆腐,玩到大家都出水又出汗,認真夠激!亞軍屬於《願望實現的不可思議性感電梯 Vol 02》,主演嘅霞果穗無論係外在美定演技都屬頂級,轉型做熟女更加發揮出驚人魅力,我覺得佢唔止係亞軍囉!至於最得民心嘅就係由羽月希主演嘅《你,容許…被慾望包圍 2》,羽月希本身有少少病態美,胴體豐滿帶少少肥,正好貼合片中嘅柔弱人妻角色,而且羽月希對於角色掌握可謂駕輕就熟,將人妻被挑逗時嘅欲拒還迎態度充分演活,贏得冠軍亦令人信服。

保持神秘

3部作品咁得一眾熟女迷支持當然值得高興,不過有投票支持都要以實質購買作為金錢上撐場至得,至於今次選舉最賣得嘅作品,就係由知名熟女AV大廠Madonna拍嘅《根暗少年之報復閨房調教計劃》。呢部作品屬於M廠上年嘅大型企劃作品,亦係慶祝M廠旗下品牌「熟Comic」成立3周年而精心炮製嘅紀念大作,作品改編自知名情色漫畫家華胡克嘅同名漫畫,主演女優可謂粒粒皆星,包括超人氣I奶人妻篠田步美、澤村玲子、翔田千里以及西口菓子,4位出晒名魅力非凡且淫到出汁,講佢哋畀一位陰險少男設計百般淫辱,有故事性又夠亂性,精彩程度非筆墨所能形容,令到大家大破慳囊支持絕對唔係冇理由!不過,話說回來,點解今次總選舉嘅結果只係喺官網公布呢?喺4月9日就會隆重上演頒獎典禮,當晚仲會公布埋最受歡迎熟女獎項誰屬,暫時只係保持少少神秘感。現時已知頒獎禮會有北川艾麗加、青木玲以及橫山美玲登場,希望到時風間由美、北条麻妃、白木優子等都會現身啦!

撰文:賢