幸福香艷島

男人就係咁貪心，身邊已經有個索爆女友仍然唔心足，仲希望有多幾個可以選擇，所以以前嘅皇帝咁享受三宮六院嘅生活！為咗滿足男人都想擁有後宮嘅心理，唔少日本成人遊戲都以大量美少女圍繞男主角發生嘅情慾愛情作為主題，而呢隻由日本十八禁遊戲商CIRCUS推出嘅最新作品《D。S。-Dal Segno-》就係其中之一。以美少女作為賣點嘅佢，加上大量香艷畫面，配合埋戀愛元素，務求畀到各位夢想成為後宮男主人嘅玩家，一段又一段火辣無比嘅回憶。

遊戲故事發生喺一個名為風南島上，係由一個叫天嘅少女型人工智能機械人管理嘅人間樂土。男主角雖然經歷過好多意外，終於到達坐落海島上嘅學園，而喺學園內等緊佢嘅卻係各種各樣嘅美少女，當中包括擁有偶像外表而內心卻孤獨散漫嘅美少女朝宮、才色兼備卻性格死板嘅邑崎遙月、自稱「魔王之女」嘅美少女神月依愛、愛逞強並口是心非嘅藤白乃繪里等，究竟男主角喺呢個海島上，會遇到乜嘢香艷又幸福嘅事情呢？

開發商：CIRCUS