條命當然係自己啦，但條命係生成嘅，認唔認同？可以唔認，但知道Penny Pax憑四仔廠New Sensations嘅作品《The Submission of Emma Marx：Boundaries》，榮獲今屆AVN最佳女主角（Best Actress），肯定你又會話係命水囉！
其實唔止你唔知Penny Pax係乜水，連歐美巴打都搖晒頭Say No，細佬就梗係識啦，現年27歲嘅Penny妹早喺2011年入行砌，唔知？佢演出超過六十套四仔，唔知？2014年捧走XCRO頒獎禮Best Actress大獎及今屆XBIZ最佳女主角All Girl Release獎，咁梗係又唔知啦！其實乜都唔知唔怪得大家，皆因阿妹為人實在太低調，出騷冇佢份，官網又唔做，形象又唔鮮明，淨係識得落力砌，四仔迷點會記得呢？所以咁多年嚟，即使佢經常跟住四仔惡搞大導演Axel Buran開工，依然冇人認得呢位34D堅波Penny Pax。再者阿妹又唔係勁索，可以砌低業界姊妹而獲得提名，已算超額完成，仲要搶埋個獎，興奮之餘更多一份心涼添，點解？咪因為佢搶埋另一位榮獲今屆AVN年度最佳女演員（Female Performer of the Year）得主，花朵「檸檬女」嘅Riley Reid風頭囉，講獎分量呢個獎仲難爭，家陣傳媒瘋狂追訪Penny，咁你話係咪火都嚟先？但睇怕最心涼都係熟女大獎MILF Performer of the Year得主Kendra Lust喇，大家都係「最佳女演員」，但後者就掛住個「熟」字，如今無人搵Riley Reid，就算Kendra Lust無人理都無輸吖！
撰文：祖