唔知從幾時開始，班老友覺得出嚟玩係唔使理由，想玩就去玩，結果喺乜嘢都冇準備嘅情況之下，不但玩得唔過癮，甚至事後怒插囡囡服務差添！所以想玩得開心，最緊要入場前了解清楚，情況等同你買棵菜都會先睇吓係乜嘢品種同嚟自邊度啦！
夜場媽咪真係好厲害，記得晒旗下咁多個囡囡嘅名字，又識得氹客人開心，等佢哋日日嚟捧場，兼且仲好飲得又猜得，真係幾萬能吓。不過，今時今日係未夠嘅，仲要識得營銷技巧。所謂營銷技巧包括推銷技巧、市場認識及顧客心理等。咪以為呢啲只係從商人士需要有嘅知識，話晒夜場媽咪都係服務性行業一分子，佢哋懂得呢啲技巧真係好緊要。內地嘅夜場媽咪為咗增加競爭能力，技能上又要有所提升，近年佢哋都會修讀營銷培訓班，然後將學習到嘅知識運用喺夜場當中，好似佢哋會同客人講吓囡囡有乜嘢專精嘅床技、敏感帶喺邊、最鍾意喺邊度曳曳等，配合適當嘅說話同技巧，再睇埋客人嘅眉頭眼額，自然氹到客人開心到極。當然，飲得又猜得呢啲嘢，由始至終都係唔少得啦！
要知道台灣係嚴禁所有性服務，不論囡囡定玩家一被拉到都要判罰。雖然如此，但係男人天性鍾意拈花惹草，故此當地禁極都有。既然係咁，有人就提議喺台北市設立「性專區」，咁咪可以喺有監管之下，光明正大咁推動性服務業囉！又話台灣以前都有公娼制度，即係合法嘅妓女戶，有咁嘅歷史根據難怪有人會提出如此要求。台灣嘅日日春關懷互助協會就因呢個議題，早前到台北社政府陳情，希望市政府能夠正視妓女問題，並且落實合法性交易區域。不過台北市警察局表示唔適合設置性專區而否決呢個提案。睇嚟想合法曳曳，未來仍有相當大嘅阻力。
日本有唔少Cosplay愛好者，而當地更有一間被視為風俗圖書館嘅風俗店。位於大阪谷町嘅「Anihiro」風俗店，店內嘅Cosplay服超過400套，更劃分成遊戲系、動漫系同其他種類3個系列，跟住再細分各種唔同嘅作品專用服，好似喺遊戲系中，就有《機動戰士 GUNDAM U.C. CARD BULIDER》、《GODS EATER》，以及十八禁遊戲《WHITE ALBUM》、《大圖書館的牧羊人》等遊戲角色嘅造型服。至於動漫系，則有著名作品《落第騎士英雄譚》、《零之使魔》、《境界的彼方》、《空戰魔導士培訓生的教官》等，唔單止數量多，而且仲貼近主流ACG界，難怪佢會得到Cosplay圖書館之稱，更被日本動漫迷兼風俗玩家熱推為「性」地！不過呢種咁極端嘅做法，無可否則係雙面刃，皆因一啲對Cosplay冇興趣嘅玩家，自然欠缺吸引力。
撰文：魂