寫手D玩到無嘢好玩，這陣子專攻手機交友App，而且目標非常清晰——人妻。我問他有收穫嗎？他坦然的點頭：「有o架，不過又唔係話好多，呢兩個月，我都食咗兩個，算唔算有收穫吖！」寫手D說話語氣平靜，像說着其他人的故事，「算！」我答，但我更想了解當中的細節，例如這些人妻是抱着甚麼心態出來玩？而當中細節又如何？寫手D也沒有隱瞞，幾乎都照答如儀：「其實根據我嘅經驗，好多人妻經歷過十年、八年長嘅婚姻之後，夫妻間嘅感情就好易出問題，即係大家無咗愛、甜蜜嗰種感覺，咁呢段時間無論男女都好想喺外面搵慰藉。」
寫手D說，這些人妻有一個共通特點，就是很需要人陪、很想有人跟自己傾偈，希望尋回那種被愛、被錫的感覺：「係呀，夫妻耐咗就自然會淡、會失去新鮮感，上得呢啲交友App嘅人妻，就係悶先上去搵人，佢哋最初未必係想尋求性滿足或者性刺激，但入咗局，同對手有Sex都係自然而然發生嘅事。」寫手D說，要溝這些寂寞人妻，首要是有時間、有心機，絕對不能操之過急：「唔好話我乘人之危呀，我幫人o架咋。」
撰文：黃韋龍