駕車人士遇到吹波仔，當然有少少膽怯啦！不過真金不怕洪爐火，冇飲酒又怕咩吹啫！之但係喺英國蒲完酒吧急於爆房嘅朋友，就唔好飲得過量，皆因分分鐘買唔到安全套。情侶鴛鴦浴除咗係一種情趣，原來仲有其他好處o架！好多港男想識日本女仔，想成功嘅話，唔一定要精通日文，而係睇你收入到底有幾多。
酒能亂性，相信唔少男女嘅第一次都係因為飲完酒而奉獻他人，冇計啦！酒精令人精神放鬆，慾望亦會隨之增強，行為又更大膽，促使人更加主動行事嘛。早前就有約會網站進行一項調查，結果顯示逾3成男女嘅第一次喺飲醉酒唔清醒嘅時候發生。事實上以英國為例，當地蒲吧文化盛行，亦真係有好多人飲醉酒，而為免佢哋酒後亂性，於是就有一部叫做「Johnny Be Good」嘅安全套贈送機出現喺酒吧。呢部機並唔係冇條件送套，男女先要向部機吹一口氣，就好似吹波仔咁，機器會驗過呼出嚟嘅口氣，再分析體內酒精含量，如果低於當地評定為醉駕嘅標準，就會免費贈送安全套，目的係希望大家喺進行性行為之前確保清醒喎。不過我就覺得效用唔多高，如果真係飲醉好可能已經唔醒起要用套啦！咁咪一樣唔安全囉！
睇日本AV可以睇到好多高級陪浴孃系列作品，見到女優化身陪浴孃細心侍浴，幫客人由頭洗到落腳，玩完波哋擦身再玩埋毒龍鑽，真係齋睇已經爽歪歪。喺現實中好多男人想同情人嚟個鴛鴦浴，不過女方唔係以怕醜，就係以地方淺窄為由而推辭，其實細有細玩，就算係企缸亦可以小心翼翼咁互相洗擦，而且鴛鴦浴除咗可以增加情趣，仲有好多好處（口架）。日本網站「Menjoy!」早前訪問過500名成年男人，當中有73%表示想同愛人嚟個鴛鴦浴，從中提點一下日本女仔如果想取悅男方，大可以從呢方面入手。另外，專家指出鴛鴦浴過程當中可以刺激催產素分泌，令人更加精神奕奕，自信心亦會增強，仲補充話唔滿意自己體態嘅女仔可以藉此提升減肥動力喎！
見到身邊班朋友結婚之後同老婆關係融洽，小弟都老懷安慰，亦勸告佢哋珍惜當下，最重要係努力工作搵錢之餘仲要儲錢，所謂貧賤夫妻百事哀，眼見好多夫妻就係因為錢銀轇轕而分離，如果諗住去日本識女仔就更加要留意自己搵錢夠唔夠多喇。早前一調查就問到日本女仔喺結束一段戀情之前，最主要係考慮男仔邊一方面嘅問題，身高、靚仔與否、健碩身材、性能力強弱等統統都唔係首要嘅考慮條件，咁考慮咩呀？有65%嘅受訪女仔表示唔想同收入比自己低嘅男仔發展長久關係，有冇市儈啲呀？佢哋嘅理由都有道理，部分受訪女仔表示自己嘅人工已經偏低，男方收入仲要低過自己可能生活唔到落去，亦有人話到自己萬一要生仔無法工作，大家只會生活於貧困之中，咁又係喎！大嘅唔食，細嘅都要食啦！佢哋嘅想法都幾實際。
撰文：賢