男女喺床戰期間做到欲仙欲死，其實如果冇安全意識的確係有危機！女為悅己者容，男人亦會為愛侶打扮一番，最近有款下體裝飾專畀男士用嚟博紅顏一笑。日本男人終日忙碌工作，搞到同老婆關係疏離，有調查更發現好多已婚男士有出軌行為，而且年紀愈大出軌機率愈高！
師傅成日都教我上床一定要小心，呢一點徒弟仔我深感箇中危機所在，因為萬一唔小心搞出人命真係手尾長，就算冇咁叻仔可以一擊即中，被感染性病亦唔講得笑，所以我一定會做足安全措施。之不過，上床有安全意識記得要有一套的確重要，但係上床仲有好多危機，例如場地，早幾年外國就有對男女情到濃時喺火車路軌上做愛，點知剛好遇到火車駛過而喪命喇。另一方面，英國就有傳媒發表咗一份相當簡單嘅報告，指出上床時唔少動作都帶有相當危險性，例如男方為女方口舌嘅時候千萬唔好向陰道吹氣，因為咁樣做會令空氣進入女方血管造成血液流通受阻，繼而引起突發性心藏病。另外，有兩招床上招式容易造成男方陰莖折斷，據巴西一項統計指出女上男下乃係最常見引至陰莖折斷嘅一招，原因唔知係咪巴西女仔個躉特別大呢？至於喺英國，狗仔式則最危險，因為有29%嘅陰莖折斷個案正係由此招造成，大家狂歡時千祈小心，否則真係變成「絕蕉」喇。
以往美容行業針對嘅客戶絕大部分都係女性，不過近幾年男性美容行業亦相當盛行，原因可能係男士們愈來愈注重儀容，希望進行各種美容療程令自己更加有吸引力。而男士們除咗會為自己個樣以及身材美化一下，唔少仲會美化埋自己胯下嘅好兄弟，例如會喺上床時戴上羊眼圈，一來睇落更具戰鬥格，二來又可以增加情趣，喺外國更加有男士忍痛喺小弟弟嚟個紋身或者係鑲珠、穿環等。不過，最近L字頭情趣用品品牌就推出一款別開生面嘅小弟弟裝飾，正確嚟講呢款叫TUX嘅產品應該算係細佬着嘅服裝就真！TUX剪裁精緻，如同一套縮細版踢死兔一樣咁高雅得體，性學專家Tristan Taormino就話TUX可以令夫妻嘅閨房之樂更有情趣，仲話女人可以選擇咁多情趣內衣，但係點解男人選擇就咁少，而TUX就可以幫男士裝飾一下最重要嘅細佬喎！
近期寒流襲港，搞到小弟同班兄弟都好擔心一眾長輩嘅身體，故不時打電話向佢哋問候一番，幸好個個都平安大吉，中氣十足。期間有兄弟就話家陣長者都好識得保重身體，仲提起日本AV界最年老嘅AV男優德田重男，佢成80幾歲人都有心有力，認真叻仔。喺日本一個調查亦顯示出日本男士即使年過半百亦一樣色心未減，鍾意背妻偷食。網站「Menjoy!」早前訪問咗600位已婚男士，了解佢哋有冇去偷食，結果發現年齡介乎20歲層面嘅男士只有15%會同老婆以外嘅女人上床；30歲層面就有27%會偷食；40歲層面就再多一啲，有39%出軌；不過咁都唔夠50歲層面嘅男士厲害，有50.7%偷食呀！調查負責人就話，男人年紀愈大收入愈多，地位亦愈高，令佢哋有錢又有時間去偷食，加上老婆年老色衰亦係原因之一。
撰文：賢