日本情侶好鍾意安排去一個短暫旅行，充分享受二人世界，之不過有日本男士表示床戰後第二朝起身見到女伴卻嚇一跳。利用手機程式結識異性已經成為新趨勢，美國四仔脫星Anikka Albrite就教大家點樣透過手機程式取悅對方，增加得米機會。好多女人都話男人房事完畢之後只顧蒙頭大睡冇厘情趣，事實上唔係男人想咁樣，而係生理機能使然咋！
香港生活環境擠迫，唔單只冇乜活動空間，有時情侶想享受魚水之歡都唔係咁容易，因為好多人都長年與父母家人同住，是以，時鐘酒店幫助到唔少情慾男女。而喺日本，情侶們除咗去時鐘酒店，亦會安排去兩日一夜短Trip，喺酒店房間連場大戰，盡情交歡，完事後相擁入睡到天明。而有調查發現好多男士同女友去完短Trip之後，所有性幻想都幻滅晒！該調查訪問咗300名男士，當中有48.7%表示同女友去旅行，第二日一覺醒來被女友落妝後嘅真面目嚇一跳。另外，唔少男士仲表示對於女友花長時間化妝以及整理頭髮嘅行為相當不滿。唉！正所謂女為悅己者容，咁辛苦化妝咪又係為咗你班麻甩佬，忍吓啦！
最近美國興起使用Tinder呢個交友手機程式，之不過使用人數咁多，點樣先可以增加被人睇中嘅機會呢？美國四仔脫星Anikka Albrite表示自己係Tinder交友專家，為咗令大家提高溝女機會，提出幾個建議畀巴打參考一下。Anikka Albrite話千祈唔好只係上載自拍照，因為咁做顯示出你冇朋友同自我中心；其次係唔好上載一張相中人唔似你自己嘅照片，以免有欺騙成分；喺填寫個人資料時，唔需要太詳盡，輕輕帶過就得喇，因為冇幾多人想知道你嘅詳細生平，亦冇人想知你家陣喺度睇乜戲、聽乜歌；同新結識嘅女仔溝通最好多用表情符號。另外，早前網站Match.com就有調查顯示多用表情符號嘅人一夜情次數較多，咁大家以後識點做啦！
唔少港男都話港女對性事唔多熱衷，每次曳曳都面對多方面壓力，例如提出交歡要求時被罵滿腦子色情思想，同時又怕唔能夠滿足到女方嘅需要，心理壓力真係好大！仲有，上床前要同女伴去食餐好嘅，租酒店房又唔可以太低級，為財政帶來巨大壓力。能夠成功令囡囡答應上床又唔代表一日嘅辛勞完結，因為好多時都係得男方逕自使出百般「武藝」，體能壓力亦相當大。之不過，女仔卻又唔多體諒，發覺男方完事之後呼呼大睡就即刻指罵一番。事實上，喺床戰之後男方蒙頭大睡唔單只係因為要補充消耗咗嘅體力，調查仲發現男人喺爆發之後，體內嘅催產素（Oxytocin）水平上升，呢種激素會令人有一種放鬆嘅感覺，催使睡意來襲，想唔眼瞓都幾難啦！
撰文：賢