朋友A不時北上，不過他跟我身邊那些深圳友不同，因為工作關係，他去的地方多數是上海，朋友A不是大蒲友，反正偶爾會遇上霧水情緣，已經夠他有排煩，「係啦，喺上面做嘢，有陣時都會有啲嘢食吓嘅，而且聽啲朋友講，上海消費唔平，揼個飛機骨隨時五、六百蚊人仔落樓，自己又唔熟路，出事點算呀？」不過，上星期他不知食錯甚麼藥，居然在酒店玩起電召來，「你都知依家啲電話App幾多功能o架啦，搖兩搖又識到朋友、睇吓附近有咩人又得，就係咁，我搵到個Agent，佢話有個日本妹，留學等錢使嗰種，心大心細，最後都係忍唔住試咗！」
朋友A覺得自己身處的不是細酒店，安全度應該有保障，加上對留學日本妹深感興趣，於是……結果，日本姑娘真的是日本姑娘，雖然樣子不算標致，但還算後生，只是服務上，實在令他不滿，「個女仔，乜都話唔得，唔一齊沖涼都算，吹奏要上袋都算，堅持要熄燈做，傻的嗎？最後拉鋸咗一陣，咪熄暗晒啲燈囉！」朋友A說，她的服務態度不算差，只是冇技術、冇風情，畀2,000元人仔，完全不值。
撰文：黃韋龍