好多人都希望初夜可以過得浪漫，可惜事與願違，唔少人嘅第一次都感到失望。赴約會時通常都會打扮得靚啲，而日本男女喺約會心儀對象時就會換上一條醒神底褲。有人唔熟唔食專搵親戚朋友着數，調查發現有唔少日本男士居然會同朋友嘅女友上床。
以前仲係青頭仔嘅時候，成日都幻想自己嘅第一次可以同心儀女仔進行。之不過，要成功溝到心中嘅女神，仲要發展到可以上床纏綿嘅地步難度好高，而且所花時間可能好長，於是小弟某一日就喺班兄弟嘅建議之下，喺霓虹燈之地變成真正嘅男人喇！外國一個手機程式叫Whisper，專門畀大家上去分享自己嘅秘密，當中唔少人透露自己嘅初夜過成點，發現好多都千奇百趣，例如有一個女仔話自己去到亞馬遜森林同一個不諳英語嘅男土人交歡，亦有人第一次就以多男多女大混戰嘅形式狂歡，唔通第一次真係要搞大佢？另外，有個男仔表示第一次係喺郵輪旅行當中同一個35歲婦人交歡。不過講到最離譜，就係有男仔話自己喺辦完葬禮後失去初夜，佢仲表示知道咁做自己一定會落地獄，梗係啦！咁不孝！
好快就到農曆新年，為咗喺新一年拎個好意頭，大家都會喺屋企貼上寫住吉利字句嘅揮春，亦有人特別買條紅底褲旺一旺佢，唔知係咪呢個諗法亦影響到日本人呢？佢哋喺約會心儀對象嘅時候都會特別換上「勝負下着」，下着嘅意思即係底褲，而勝負嘅意思就係一局定勝負，希望可以透過呢套咁醒神嘅底褲俘虜對方嘅心。早前日本就有個調查，訪問咗147名年齡介乎20至40多歲嘅成年男女。女士方面，有35.8%表示同心儀對象約會嘅時候會穿上勝負下着應約，當中以20多歲嘅女性所佔比率最高。至於男士方面，佢哋亦一樣好重視同女神約會，有30.3%表示會着住條醒神底褲應約，同樣以20多歲嘅男仔佔最多數。
雖然小弟我嘅學歷唔高，又唔係出身書香世家，道德水平亦唔見得好高，之不過，我做人都有底線，其中一條底線就係唔會對朋友妻有非分之想，即使對話都只係一句起兩句止，講完亦會即時彈開，點解？我平生最憎就係勾義嫂呢啲賤格兼冇天裝冇地載嘅行為囉！然而，事實上又真係有好多賤人認為朋友妻咪走雞，唔理好醜但求就手，而情況喺日本都唔少見。一個來自日本嘅調查訪問咗147名男女，發現有25.8%受訪男士曾經同朋友嘅女友上過床，嘩！比率都算幾高喎，咁我都係少啲同日本男士做朋友喇。至於女士方面，只有7.4%會同朋友嘅男友上床，照咁睇嚟日本女仔似乎幾貞烈，一於識多幾個日本女仔做朋友先。
撰文：賢