早前小三TSA爭議話題喺社會鬧得熱烘烘，不過點爭拗都好，呢個試都要繼續考。喺日本AV界最近亦嚟咗一場考試，但就唔係考班女優點樣賣弄姿色，而係考佢哋有冇語文知識，到底邊個女優最叻呢？班女優又係咪胸大冇腦呢？即刻睇吓當日考試嘅情況啦。
我哋中國人過農曆新年一定要熱熱鬧鬧，近年小弟屋企成員增多，新年吾兄帶住班仔女返吾母屋企拜年食飯，真係熱鬧高興得多。日本人雖然深受我哋中華文化影響，不過佢哋只會慶祝新曆新年。而為慶祝2016年來臨，日本演藝界最強嘅AV女優團體惠比壽★麝香葡萄就喺最近嘅一集專屬電視節目《麝香葡萄時間》，為一班AV女優準備咗一個特備環節，唔使班女優出到場淨係同觀眾講一番祝賀說話咁行貨。咁有咩特別環節呢？唔通要佢哋嚟個紅白呻吟大賽？定係玩比堅尼潤滑劑摔角呢？慶祝新年要求高興但係亦要顧及優雅，女優們係就係要比賽，不過唔係武鬥，而係文鬥！節目主持人喺開場嘅時候，宣布一班女優浩浩蕩蕩咁進場，一入到場班女優都嚇到呆一呆，因為現場布置到好似考試試場咁！排好晒學校用嘅枱同椅，枱同枱之間仲有紙板分隔，呢個時候班女優就意識到今次弊傢伙，又要經歷人生最討厭嘅考試喇！
冇錯！今次惠比壽★麝香葡萄班AV女優將會喺節目接受一場考試，測試女優們嘅語文能力，睇佢哋可唔可以將日文同漢字互通互用。雖則話係考試，但所用嘅題目只係中學程度，相信大部分女優都識得作答……希望係啦！惹火尤物蒂亞同沖田杏梨就表示，自己喺外國讀書，對今次考試信心極低，而上原亞衣直情話自己已經忘記晒以前學過嘅漢字，想投降，可惜主持唔肯過佢。要觀眾們睇住班女優進行筆試又真係幾悶，故呢個突擊考試限時20分鐘。雞聲一響，班女優都好認真咁睇住試卷作答，期間見到人妻女優白石茉莉奈同由愛可奈諗到入晒神，至於S1天后明日花綺羅上床就叻，考試就麻麻地，不時鬼鬼祟祟偷睇隔籬位。
呢20分鐘考試，對於班女優嚟講，相信仲辛苦過要佢哋拍一部四粒鐘大混戰作品，考完試個個都頻呼大氣兼抹一額汗。經過特快批卷之後，成績好快出爐，人哋話胸大未必有腦，呢句話可圈可點，胸細嘅麝香葡萄成員古川伊織就好有腦，獲得全場最高分數，同佢一樣咁細胸嘅天使萌成績緊隨其後，第三係G奶美神神咲詩織，總算為大波妹爭番口氣。外國長大嘅沖田杏梨亦唔失禮，成績排第10。不過，其他幾位大波妹就慘喇，G奶尤物彩美旬果唔止喺32位考生中排29，佢作答嘅時候仲唔知寫出個乜字來。
至於人氣相當強勁嘅上原亞衣，試前申請投降其實係啱嘅，成績雖然係團隊尾二，但以AV女優身份嚟計卻係最低，亞衣麻煩你引退之後進修一下喇。
1. 古川伊織 94分
2. 天使萌 80分
3. 神咲詩織 76分
4. 辻本杏 74分
5. 藤原亞紀乃 69分
6. 由愛可奈 68分
7. 川上奈奈美 67分
8. 葵司 66分
9. 星野娜美 64分
10. 沖田杏梨 60分
28. 蒂亞 25分
29. 彩美旬果 24分
30. 永瀨彩 21分
31. 上原亞衣 18分
32. 臼井理佳 11分
撰文：賢