自稱「零期待、零黑幕、零公信力」嘅毛記分獎典禮喺網絡狂洗版，勁呀！亦證明咗只要有Heart就有人Buy，邊似得美國四仔界咁求其，年頭年尾總係有啲乜乜乜分獎典禮，唔好睇唔好笑兼唔會有人知，純粹係「商業創作」搵完你笨冇得投訴，即睇今期3大零價值分獎盛事，千祈咪認真睇呀！
四仔界分獎從來唔使問點解，鹹網搞、片廠搞、業界組織都會搞，仲未計嗰啲專玩紋身，跨性別，戀物愉虐及BBW嗰啲專門界別，依家只要有一小撮人撐就有得分，真係幾離譜都有！
咁當然叫做最有公信力係即將舉行嘅有「四仔奧斯卡」之稱AVN及業界人員升職加人工指標嘅XBIZ兩大頒獎禮啦！呢兩個分獎禮以外，細佬夠膽講句，不睇也罷，點解？因為都係嗰句「零期待、零黑幕、零公信力」囉！唔係話唔撐小眾，現實係佢哋「自我膨脹」，來來去去小貓三四隻，今期有啲Talking Point，就當正係「仙氣女神」，跟住就同網站合作搞乜乜乜選舉，歡迎網民投票，咁就所謂選舉喇，選完無獎無錢又無Face唔緊要，呢點當事人點會唔知，佢哋真正目的只係炒旺個市，然後一連串相關商業活動搵贊助，出商品，拍四仔賺錢。
好似剛過嘅2015年為例，成人網站發起嘅「乜乜乜脫星獎」多數都係洗版，網友話唔止冇個記得，連望多眼都嫌煩，第一個煩膠分獎禮係「2016 Bang Bros Pornstar Of The Year」，得獎者係現年32歲嘅中女Anna Bell Peaks，阿妹2014年先入行，性技一般，床上夠狂野，賣點係波哋超多紋身，得獎原因係乜？連佢自己都話唔知，出奇呢？未夠喎，即使主辦單位片廠Bang Bros都近乎零宣傳，亦都冇實體頒獎，喺本月12號發新聞稿講完就算，好嘢！
緊接其後嘅有四仔廠Girlsway嘅「Girl Of The Year」喇！佢比較有誠意，喺舊年9月底就開始宣傳，由十大自己友（即專拍女同四仔嘅脫星）中，由網民選出冠軍，喺去年底殺入最後三強，結果由Shayla Jennings勝出，第二位係童顏脫星Dillion Harper，季軍由Vanessa Veracruz奪得，據聞冠軍有5,000美元獎金，亞軍都有2,500美元，冠軍接近四皮嘢港紙係咪好多呢？睇落就係，不過呢個「分獎禮」咪又係四仔創作，皆因三妹已替Girlsway拍咗套四仔，有粉絲包底，四仔點會唔賣得，四仔廠隨時賺多十倍呀！
最後一個分獎禮唔止慳水仲好慳力，因為只靠抽水及跟紅頂白，佢正係大牌成人網站GameLink嘅「Most Popular Porn Stars Of 2015」，乜都唔使做，（目及）住AVN及XBIZ兩大頒獎禮做指標，邊個脫星可以入圍佢都入圍，邊個有新聞GameLink就出新聞，抽水無極限，當正自己搞咁，結果喺1月8日就隆重宣布十大最受歡迎脫星，冠軍得獎者係舊年AVN捧走Best Actress及Best New Starlet兩大獎嘅Carter Cruise，得獎原因係綜合過去一年贏過好多四仔獎項以及嚟緊有大量獎項提名，因此率先分獎以示鼓勵阿妹對四仔界貢獻，原來紅就必攞！咁仲唔係分獎係乜？仲有Anikka Albrite、Dana DeArmond、India Summer及Adriana Chechik等姊妹有得分，得獎理由大同小異，巴打放心，類似嘅分獎禮仲未完，只要係「真 脫星」就有獎分！
撰文：祖