現今大家都相當注重健康，更會去健身室做運動強身健體，不過英國人可能志不在此，因為佢哋好多都會喺健身室搵性戰對手。隨住時代改變大家睇鹹網嘅口味都會唔同，而依家最多人睇邊類型嘅鹹網呢？男人貪新忘舊，不時一腳踏兩船，不過先決條件係要有時間，而出名工作忙嘅日本男人原來亦可以擠到時間出嚟偷食。
小弟曾經參加過健身會，希望可以做運動減肥。而身邊班兄弟就成日問我，喺健身室係咪可以識到好多女仔？我就答的確有好多女仔玩健身，不過見到我又肥又矮都唔會望多眼啦！其實健身室可能係一個溝仔溝女嘅好地方，我係指英國咋。一個針對健身室用家嘅調查訪問咗2,000名成年男女，發現到唔少驚人結果，有82%受訪者都鍾意喺進行運動之後自拍，然後將照片放上交友網，因為佢哋覺得輕微冒汗嘅狀態有效吸引異性；52%受訪者話自己除咗做運動，去健身室嘅目的係為咗結識異性，25%受訪者表示曾經喺健身室進行性戰添呀！另外，為安全起見，有10%受訪者將安全套放喺運動袋當中以備不時之需，睇嚟英國嘅健身室真係幾好玩喎！
仲記得以前剛剛接觸互聯網，小弟嘅心情認真興奮無比，因為知道網絡世界無邊無際，亦可以話無所拘束，想睇乜就睇乜。是以，小弟透過上網與世界接軌，亦與成人世界產生緊密連接，不斷咁睇鹹相同鹹片，當然最鍾意睇嘅就一定係外國嘅天然巨乳佳麗喇！唔知今時今日，世界網民又鍾意睇邊類型鹹網呢？根據知名鹹網Pornhub早前進行嘅一項有關網民睇鹹網習慣統計，發現以往最多人睇嘅「青春玉女」地位不保屈居亞軍，取而代之最多人睇嘅係豆腐片！其次係色情卡通片及熟女系列。臨床心理學家Laurie Betito博士就話呢個結果反映出無論係直定係攣嘅網民，都鍾意欣賞女性性愛場面，當中嘅意象最能夠引起男女對性嘅興趣喎。
中國傳統家庭觀念充滿男女不平等，例如男人就可以三妻四妾，女方只能夠從一而忠，丈夫早逝要堅持守寡保住貞節牌坊，就算畀丈夫休咗亦唔可以再嫁。雖然家陣係一夫一妻制，但係好多已婚男士都會搵小三，未婚男子更會肆無忌憚咁一腳踏兩船，甚至一腳踏多船。喺日本，男人劈腿嘅情況亦相當普遍，早前日本一個女性電影頻道「東京女子映畫部」就進行過一項調查，訪問咗235個女仔，問及佢哋有冇遇過男友一腳踏兩船，表示男友試過多次劈腿有6.8%，7.2%表示只係遇過一次男友劈腿，另外亦有21.8%表示雖然冇實質證據，但係直覺男友出面有小三。另外，調查仲訪問咗有小三嘅男士，佢哋表示一腳踏兩船嘅原因係想好似占士邦咁風流，亦有人表示希望可以生多啲小朋友，為咗令日本嘅出生率增加咁偉大，真係難為你喇！
撰文：賢