由南韓作家林達永原作，並由同鄉漫畫家金光鉉繪畫漫畫嘅日本漫畫《結界女王》，自2006年開始連載至今，不但人氣愈嚟愈高，更被改編成動畫。憑住搞笑嘅愛情故事，以及一眾養眼女角色而深受漫畫迷歡迎，而當中嘅巨乳女莎堤萊薩‧EL‧布麗姬特更有唔少粉絲，既然係咁，又點可以唔推出模型滿足粉絲呢？呢個莎堤萊薩最新登場嘅模型，化身成一個愉虐味極重嘅S女王，身穿性感內衣，加一對皮製長手套及高筒皮靴，配合埋一條皮鞭，果真係個誘人無比嘅S女王！當大家嘅目光投放喺佢對巨乳上時，亦唔好忽略另一個吸睛位，就係佢個渾圓得嚟又分量十足嘅美股，加上露出少少股溝，令人愈睇愈興奮。