喺日本成人漫畫界中，有唔少擅長繪畫巨乳女角色嘅漫畫家，只係想成為當中嘅人氣之最，單憑巨乳係唔夠，仲要有出色嘅故事同情慾構圖，先至可以勾起成漫迷嘅原始本能。講到當中嘅王者，絕對不得不提奧本悠太，佢係集以上各種元素於一身嘅成漫家。如果想感受巨乳魅力嘅話，就唔可以錯過佢嘅處女單行本作品《乳房New Generation》。
有人稱奧本悠太係「歐派」之王，所謂「歐派」其實係同圓周率π有關，據講愈係渾圓嘅車頭燈，愈能展現π嘅魅力，有人為咗尊敬呢種誘人曲線，因此喺前面加上「御（お）」合稱成「御π（おぱい）」，由於發音為「Opai」關係，台灣人將國語發音變成文字就成為「歐派」。講到喺成漫界最能表現出「歐派」魅力，就要數呢位於日本大阪出生，並喺2012年喺成人漫畫界出道嘅奧本悠太。
同好多成人漫畫家一樣，佢最初係以同人身份活躍於漫畫界，由於佢擅長繪畫巨乳女性，故此被日本成人漫畫月刊《快樂天BEAST》睇中，並自2012年4月開始喺月刊中發表作品，而最初登場嘅單元故事就係《DOUBLE LESSON》。佢除咗拿手畫巨乳，講故事方面亦一流，有別一般嘅成漫家，佢好鍾意喺故事中加入一啲曲折嘅劇情，並糅合愛情元素，等大家唔使一味得個鹹字，仲可以感受到故事中人嘅感情一面，令故事變得更加立體。雖然佢喺成漫界有相當人氣，但首本單行作品卻於2014年5月先至推出，就係今次為大家介紹嘅呢本《乳房New Generation》。
作為佢嘅處女單行本，《乳房New Generation》內共收錄咗《Yum Yum Beach》、《Dual Shock》、《公主調教記》、《SEXual Office》、《Honey Counter》、《LOVE ME NURSE》、《情緒多變的家庭教師》、《甜蜜Model》、《艷華村的秘密之宴》、《DOUBLE LESSON》、《未來的伴侶》同全新繪製嘅《DOUBLE LESSON 續篇》合共12個單元故事。講到當中最吸引嘅故事，便要數《Yum Yum Beach》同埋《SEXual Office》。
《Yum Yum Beach》講述餃子店店長同兼職巨乳女侍應到沖繩開餃子店，店長希望藉呢個機會將佢嘅餃子推向全國，而為咗令餃子店更具號召力，特意安排巨乳女侍應換上性感比堅尼拉客。點知女侍應卻抱住以旅遊心態，不但唔做嘢，更喺度大吃大喝。店長表示如果餃子店賺唔到錢嘅話，就會扣佢嘅人工，結果女侍應落力拉客，更搵到大批男食客嚟幫襯，原來一眾男食客嘅目的，只係想近距離（目及）佢對巨乳。起初女侍應感到相當尷尬，後嚟卻感到興奮兼慾火高漲，更喺店內大戰連場。
至於《SEXual Office》講述巨乳部門女主管，由於部門嘅業績唔好而令佢相當苦惱。後嚟佢得悉班男下屬冇幹勁兼且態度懶散，皆因佢着得太過密實，於是佢許下諾言，如果業績能夠達標嘅話，佢就會着得超性感返工。班鹹濕男下屬果然做出好業績，女主管惟有兌現承諾，估唔到激發男職員嘅戰意之餘，更撩起佢哋嘅獸性，喺眾人嘅強烈要求下，女主管嚟個大雜燴，獲得連番高潮嘅佢，從此愛上呢種大雜燴嘅快感，而部門嘅業績更成為整個企業之冠！
作者：奧本悠太
出版：WANI MAGAZINE
頁數：216頁
撰文：魂