上天就係咁唔公平，有啲女人千方百計咁扮靚，只係希望能夠散發出勾魂嘅魅力，而某啲女性則天生魅力爆棚，輕易將男人迷倒，好似嚟自內地嘅模特兒丁筱南，佢嘅魅力唔單止源自外在美，更係一種潛藏於靈魂嘅動人魔力。
今年22歲嚟自湖南長沙嘅丁筱南，無英文名，網名亦只不過係用中文姓名嘅普通話拼音，即係Dingxiaonan。不過正正係呢種唔追求特別嘅態度，而顯出呢位擁有非一般美態，足以令任何一位男士都心動嘅索模更加平易近人。喺模特兒界出道僅一年多嘅筱南，一直以嚟都係專注於平面模特兒工作，憑住非凡嘅魔力，令佢喺寫真界及模特兒界俱有相當名氣。
所謂嘅魔力可以分內外兩個部分，論外在嘅話，佢甜美嘅五官夠迷人，配合埋玲瓏浮凸嘅三圍，尤其係一對36吋巨型車頭燈，絕對係一位性感尤物。不過有人認為，縱然佢嘅豐滿雙峰夠吸引，卻及唔上佢渾圓嘅美股咁煞食。姑勿論大家嘅焦點放喺佢身上邊個部分，都足以證明阿妹嘅外在條件有幾咁出眾。論內在嘅話，佢天生有一股勾魂魔力，加埋一對迷人電眼，男人畀佢望一眼，即時會電到暈陀陀。
憑住俏麗樣貌、火辣身材同埋勾魂魅力，令筱南火速成為人氣模特兒，不但經常喺各種潮流、時裝、汽車等雜誌上見到佢嘅身影，亦喺各類型嘅表演活動中，見到佢嘅艷姿。不過講到最激動男士嘅心，非佢推出嘅寫真集莫屬，事關喺寫真集當中，佢以性感內衣及泳衣上陣，仲有唔少僅以玉手遮掩雙峰嘅誘人場面，最激係佢稍露「芳草」嘅火辣造型示人，試問有邊個男人能夠抵受得住阿妹嘅誘惑呢？
有人問，既然筱南嘅外在條件如此出眾，點解仲要拍呢啲接近性感極限嘅寫真呢？其實對佢嚟講，所謂性感極限並唔係佢所着眼嘅地方，反而係能唔能夠透過呢種光影平台，帶出佢無與倫比嘅性感魅力先至係重點。雖然筱南工作相當忙碌，但相當重視生活嘅佢，仍會抽時間體驗生活及品味人生，正如佢喺個人微博中表示：「人生苦短，不要計較太多，與其在紛擾中度日如年，不如在舒適中快樂生活。」呢句說話正係佢嘅人生寫照。
簡介：丁筱南嘅一雙迷人電眼固然令男士難以抗拒，配合火辣外形，更係令人一見傾心。如果想更深入認識呢位勾魂索模嘅話，最好嘅方法梗係成為佢個人微博追隨者，同時可以透過文字替佢打打氣添！
網址：www.weibo.com/u/5247183594
出生地：湖南長沙
身高：163cm
三圍：36、24、35
撰文：魂