在網上討論區結識到的朋友，真是五花八門，咩人都有。D哥本職是司機，因為身邊不少朋友都喜歡北上尋歡、飲茶、揼正骨，漸漸自成一個圈子，更被深圳一些骨場召集成所謂的行動組，「行動組咪即係幫啲骨場試鐘，然後上網Post報告囉！」D哥說，他們圍內大概有4、5位常常上去玩樂的朋友，骨場一般會免他們鐘錢讓他試囡囡，交換的代價就是回到香港要上網交報告，「佢又無限我哋寫乜，當然人哋免得我鐘錢，唔通寫衰佢咩，多數都會有讚冇彈（口架）啦！」
深圳骨場的圈子說大不大，慢慢這幫人做到聲名鵲起，不少骨場都找上門，請他們去幫忙試鐘，「咁梗係有效果先有人搵啦，後來搵我哋做嘢嘅場所愈來愈多，我哋咪惟有繼續上網徵召新成員囉！」寫報告只是初階，後來隊員中有人是龍友，更為囡囡拍起照來，因為水平不錯，經理們對這班行動組的人員愈來愈依重，「有一兩個經理直情請班大哥上嚟影寫真，再喺自己嘅App上拉客。」是的，看他們的工作，其實已經取代了傳媒記者，難怪我們咁難做了。
撰文：黃韋龍