日本成人遊戲商Campus最拿手嘅就係推出戀愛題材作品，而最新作品《天文時計的Aria》，同樣貫徹嗰種令人窩心嘅戀愛劇情，配合埋吸睛嘅情慾場面，縱然係一心諗住睇鹽花嘅遊戲迷，都會被佢嘅愛情故事所吸引，果真夠晒高招！故事以位於麻保志學園嘅天文時鐘為背景，呢個歷史悠久嘅時鐘，有着一個傳說，就係當「天文時鐘所傳之歌若進入耳中，幸福則會眷顧你身」。某一日，男主角諸星大河聽到時鐘傳嚟嘅歌聲，好奇嘅佢於是走上時鐘塔，卻遇到一個自稱擁有給予人類「幸福」能力嘅美少女「星靈」月上Aria。對方表示要給予大河幸福，只係大河卻認為幸福係發自內心，唔可以透過外在所獲得，就算得到嘅話嗰啲只不過係幸運而已。原來Aria雖然係具有給予他人幸福能力嘅「星靈」，但原來佢一直以嚟都唔明白乜嘢叫做幸福，於是大河提議如果對方同佢一齊嘅話，就會明白乜嘢叫做幸福。Aria喺呢一刻決定放棄永恒嘅生命，決定消減壽命以化身成人類，同大河一齊尋找幸福。