日本現今嘅成人漫畫家有好多，要數當今大師級人馬嘅話，織田non絕對係其中之一。作為成漫界嘅大師，佢最厲害嘅地方在於筆下極具風格嘅巨乳熟女，以及描寫情慾場面時，予人火辣同淫靡嘅氣氛，而今次為大家帶嚟呢本作品《NON VIRGIN》，就係佢全彩色漫畫嘅處女作品。
擁有大師稱號嘅織田non，擅長以電腦繪畫，一直以嚟都活躍於成人插畫界。早喺2007年佢憑住繪畫成熟女性，以及令人流晒鼻血嘅巨乳女體而成為大家嘅焦點。雖然佢筆下嘅女角色個個都胸前激凸，但係身體線條一啲都唔誇張，反而有一種勾起男士慾望嘅感覺。佢之所以能夠創作出眾多令人心動嘅女角色，全賴佢喺人物設計上相當認真。為咗令女角睇起嚟更有女人味同性感，縱然係一個普通嘅女角色，佢都會花上極多時間嚟設計髮型、造型同胸部線條等，一絲不苟咁設計。從佢呢種細心就可以睇得出，能夠成為大師級人馬並非僅靠一味不斷畫就得。
憑住佢喺成人插畫界嘅人氣，先後為多套成人電腦遊戲設計角色，喺2015年更擔任由日本模型雜誌出版商Hobby Japan及模型玩具廠Mega House合作推出嘅原創大型企劃《比堅尼戰士》（Bikini Warriors）嘅角色原型設計。除咗喺成人插畫及設計界中發展外，其實佢早喺2008年便開始於成人漫畫月刊《COMIC X-EROS》、《COMIC快樂天》、《COMIC HOT MILK》等連載作品，而呢本全彩色成人漫畫單行本《NON VIRGIN》，正係收錄咗佢以前喺呢啲月刊上刊載嘅作品。
以全彩色示人嘅高質漫畫作品確實唔多見，尤其係好似織田non呢種大師級嘅作品，更極具收藏價值。作為佢嘅處女全彩漫畫作，《NON VIRGIN》共收錄咗16個短篇故事，當中包括《星姦縛鎖》、《誘惑×胭脂》、《Slave Fantasy》、《新人社員的忠誠心》、《幼馴染CONTI乳》、《真夏的夜的淫夢》、《學生的感恩》、《幽會？》、《發情鬥獸場》、《凜與和》、《我的Yuki老師》、《老婆是職業摔角手》、《水泳部的憧憬》、《溫泉初體驗》、《秘書的義務》及《服從宣言》。每個故事都以極為明快嘅節奏，帶出唔同主題嘅超淫亂故事，配合埋出色嘅畫風，令成漫迷欣賞到佢出色嘅畫功同埋超養眼嘅情慾場面。當中令人睇得最興奮嘅係《誘惑×胭脂》同《老婆是職業摔角手》呢兩個故事。
《誘惑×胭脂》講述性感女神偷俠盜「魅影」，睇中收藏喺日本最大家族北條家嘅名貴鑽石「海洋之心」，打算趁佢成為人哋嘅求婚戒指前潛入去偷取，點知卻被一名男子撞破。男子得悉魅影神偷嘅身份後諗住告發佢，只係魅影卻以誘人嘅肉體作為交換條件，結果男子喺魅影嘅挑逗下，兩人喺屋內激戰起嚟。本嚟魅影只係諗住玩吓，點知卻被男子嘅強勁床戰功夫所征服，甚至想嫁畀對方，而男子亦嘗得前所未有嘅快感。喺交戰完後，男子突然拎出「海洋之心」送畀魅影做訂婚禮物，原來男子嘅真正身份就係北條家第15代繼承人！究竟魅影會唔會嫁畀佢呢？
至於《老婆是職業摔角手》講述上班族男主角娶咗精於料理嘅巨乳索女蘭珂做老婆，而蘭珂係有「鐵狼」之稱嘅全日本冠軍嘅現役職業摔角手。有晚男主角放工返屋企，發現老婆正試穿翌日上擂台嘅性感摔角戰衣，即刻喚起佢嘅獸性。不過當佢一諗到老婆嘅摔角技，就連男性職業摔角手都可以輕易打倒時，便靈機一觸用另一種方法挑起蘭珂嘅情慾。被燃起情慾嘅蘭珂一直唔肯投降，結果男主角要出動秘密「兵器」，終於成功令蘭珂舉腳求饒。劇情好笑又溫馨，係個令人相當回味嘅作品。
作者：織田non
出版：WANI MAGAZINE
頁數：148頁
撰文：魂