究竟半途出家嘅成漫家實力勁啲，定係資深嘅成漫家作品有保證啲呢？雖然呢個問題冇必然嘅答案，但係對資深日本成人漫畫家高崎竹丸嚟講，肯定佢嘅作品每格都能夠畀到成漫迷官能刺激！呢位成漫家不但畫功一流，配合誇張嘅表情更係輕易地帶動成漫迷嘅心跳，而今次為大家介紹嘅呢本《刺薔薇公主》，就係佢出道以嚟第4本單行本作品。
喺日本群馬縣出身嘅高崎竹丸，於中央大學讀書時，就已經參加漫畫研究會嘅活動，而佢嘅筆名「竹」就係嚟自呢個時候。經過多年嘅漫畫研究，佢嘅作品廣受同人圈所認識，尤其係佢所創作嘅成人漫畫，更係備受好評。喺大學時期，佢曾經參與過成人動畫嘅繪製工作。有人曾問佢點解對創作成人題材如此拿手，佢笑稱創作靈感其實嚟自成人動畫同小說，故此可以創作出咁養眼嘅作品。事實上，佢所創作嘅成漫題材相當多，並唔好似一般嘅成漫家咁局限於學園類或人妻類作品，最重要係佢一啲都唔介意踩界同犯禁嘅題材。及至2005年，佢開始喺成人漫畫月刊《Megastore H》上刊登作品，並推出處女作《放課後的共犯關係》，其後又喺成漫月刊《COMIC MEGAPLUS》上推出作品。不過當時嘅佢連載情況並唔穩定，及至2007年時轉到另一成漫月刊《COMIC 0EX》後先至長期連載。早喺成漫界打響名堂嘅佢，由於作品相當多關係，故此好早就已經推出首本單行本作品《Fresh Goddess》，作品推出後極受歡迎，其後推出嘅單行本《陶醉熱辣高潮》同《我和XXX女朋友》更被視為成漫迷收藏作品。難怪佢喺去年10月推出呢本《刺薔薇公主》時，引嚟極大回響。
作為佢嘅第4本單行本作品，貫徹佢一直以嚟犯禁嘅主題、超誇張嘅劇情同極具動感嘅畫風，令作品有種瘋狂而狂野嘅味道！最過癮嘅係佢每個出位故事後，都會有《番外篇》作為補充，令故事唔會一味玩色情，劇情變得更加完整同埋睇得更開心。全書共收錄10個單元合共8個故事，當中分別有《惡魔的誘惑》、《睡美人 前篇》、《睡美人 中篇》、《睡美人 後篇》、《LOVE LOVE SCOOP 自導自演》、《凹凸二人組》、《2年B組老師》、《廁所的花子》、《情事》同《女番長淚歌》。其中睇得最興奮嘅就要數《惡魔的誘惑》及《廁所的花子》 。喺《惡魔的誘惑》中嘅男主角花緒春為咗令女僕喫茶店嘅生意更加好，於是化身成女僕去招呼客人。本嚟呢招相當受歡迎，點知卻被兩個女人走埋嚟整暈咗。當佢醒番後發現自己全身赤裸，大字形咁被綁喺一間華麗嘅大宅內。原來對方並非善男信女，皆因佢哋嘅真正身份係以男人嘅精氣為食糧「夢中淫魔」，就係咁，花緒春每日被兩個女惡魔不停蹂躪同榨取精華。估唔到花緒春有異於常人嘅性能力，結果佢榨極都仲有，正面嚟睇嘅話佢唔會精盡人亡，只係從另一個角度嚟睇嘅話，佢每日都要被惡魔搞到虛脫。
至於《廁所的花子》則講述喺一個古老嘅廁所內，傳說有一個叫做花子嘅幽靈，如果喺度撞到佢嘅話，會被帶走或被吸走魂魄。男主角秀一雖然唔信呢啲傳說，但抱住好奇嘅心態，決定去呢個廁所調查一下。估唔到敲完三下廁所門後，花子嘅幽靈真係出現！不過呢個花子並非好似傳說中咁勾走人哋嘅靈魂，性格鹹濕嘅佢原來會用盡方法嚟吸取男人嘅精氣。結果秀一不但成為花子嘅洩慾工具，而且更成為佢嘅玩物。不過最坎坷嘅則係原來花子每次同男人激戰完，都會抽取出掌管男士性能力之源嘅「紅玉」。如果秀一唔想以後變成無能男嘅話，唯一方法就係不斷搵花子曳曳。
作者：高崎竹丸
出版：CORE MAGAZINE
頁數：203頁
撰文：魂