經過一輪藝能人下海潮之後，雖然好多日本AV廠都極力拉攏女藝人下海應市，之不過由於下海者名堂唔多夠響，總係唔能夠為AV迷帶來震撼。早前專搵藝能人下海嘅MUTEKI更加濫竽充數，搵個啦啦隊成員下海擺明搵笨，好彩今次又畀M廠做到嘢省招牌喇。M廠公布咗即將推出嘅新作品叫做《世界大會活躍的太美麗的滑雪選手MUTEKI初次亮相》，主演嘅女優叫做Yukika。喂！呢個Yukika係滑雪選手喎？運動員唔算係藝能人喎！聽我介紹番先啦！呢位Yukika又有奈須沙織嘅藝名，除咗滑雪，亦曾經參加過籃球、游泳比賽，由於佢身材苗條又夠靚女，故不時獲邀到電視台綜藝節目做嘉賓，據聞仲拍過廣告同電影，的確可以算係藝能人。然而，有人話由於奈須沙織有豐富藝能界資歷，同M廠合作好有可能錫住個身，推出嘅AV作品未必打真軍，到作品推出嘅時候一切自有分曉，睇吓M廠可唔可以省番靚個招牌。