月初唔知大家有冇共襄善舉，捐出自己嘅善款同善心支持每年一度嘅大型籌款活動呢？喺香港呢個活動就支持者眾，而日本一個慈善活動一樣搞到萬人空巷，呢個就係一年一度嘅「摸奶救地球」喇！依家就即刻同大家睇吓當日嘅現場實況，睇吓班善長仁翁點樣過手癮啦！
所謂善有善報，施比受更為有福，多年來大家都不時做善事，最常見嘅就係支持賣旗同義賣愛心曲奇等活動，剛剛完成嘅大型慈善籌款活動，相信大家都有踴躍捐獻。喺日本方面，近期亦有一款別開生面，集慈善與色情於一身嘅籌款活動上演，就係由Paradise TV主辦，以宣揚預防及關懷愛滋病為題材嘅活動「24小時電視色情救地球」當中一個極具人氣嘅環節，就係「摸奶救地球」喇。摸奶活動喺12月5至6日舉行，今年參與活動嘅善長仁翁為歷來最多，達到7,175人，足見日本嘅善心人士相當多，當然之所以有咁多人慷慨解囊，全因活動有意義之外，更加可以畀佢哋捐款後，親手向每位演出嘅女優胸部摸一摸，一嘗與AV女優接觸嘅機會啦。
「摸奶救地球」今次喺新宿上演，而本住善心獻出雙峰畀捐款者撫弄一番嘅就有7位AV女優，日本古老傳說當中就有七福神，而呢7位女優就被稱為「乳福神」，寓意大家摸過佢哋雙峰之後，可以將福氣帶返屋企。咁7位乳福神有邊幾位呢？包括涼南佳奈、安里泉水、聖菜亞里沙、綾見亞由美、川美優香、松浦美紀奈以及芹那由。雖然7位女優名堂唔多響，樣子同身材都唔可以話一流，但係當日見到佢哋笑吟吟咁畀人任摸雙峰，足見其善心十足，當日更加有人坐輪椅到場捐款，而7女亦不忘彎低身方便對方摸胸，夠晒貼心。「摸奶救地球」活動要捐款1,000日圓或以上，總結兩日嘅成績，共籌得善款逾616萬日圓，真係多謝晒各界支持。
除咗7位乳福神無私咁獻出雙峰令善款數字同捐款人數達到新高之外，活動仲有3位AV女優撐場，包括原美織、玉城麻衣及美泉咲，佢哋都係現時喺Paradise TV工作緊嘅女主播。當日，佢哋雖然冇出奶，但係就喺現場協助維持秩序，教大家捐款之後用酒精搓手液清潔雙手，仲叫大家唔好影相同拍片。另外嚟個實況直播，一邊做節目玩猥褻遊戲，一邊呼籲大家支持善舉，仲利用自己嘅名氣喺場內賣親筆簽名T恤作籌款用途，而原美織更加以性感Bra Top肉誘現場人士。另一方面，美泉咲就趁機會抽水，唔係去亂摸其他女優雙峰，而係叫大家投票支持佢競逐SkyPerfecTV成人放送大賞2016嘅女優獎，阿妹你當日又冇性感演出，見到7位女優剝衫畀人摸你又唔剝埋一份，點支持你呀？
撰文：賢