迷失幻想世界

家陣嘅成人遊戲唔係講求露出度，就係要求題材要夠爆，甚少好似日本遊戲商Liar Soft咁，喺佢嘅最新作品《Fairy Tale‧Encore》中，玩顏色玩得咁出色！遊戲以童話故事作為創作背景，一眾女角色嘅名字都係嚟自著名嘅童話人物。不過大家咪以為故事充滿色彩，實情卻相當灰暗，只係配合色彩對比極強嘅彩繪下，令人有種錯亂嘅感覺，甚至有人用精神污染嚟形容，加上官網冇乜嘢資料發布，因而令到呢個作品添上濃厚神秘感。

故事講述一位年輕醫生池野，因為未適應一個被稱為「樂園」設施嘅生活，經常被沉浸於無拘無束夢境嘅病患者搞到頭暈。某日佢遇到一位奉童話故事《綠野仙蹤》為聖書嘅病患者桃樂絲，由於對方身體虛弱，加上對身份認同感不足嘅表現，令池野開始留意佢，並陷入對方嘅幻想世界之中。池野嘅行動雖然令意志消沉嘅桃樂絲重新振作，但從另一個角度嚟睇，反而加深咗佢嘅妄想。究竟呢段關係點樣發展落去呢？就要等大家決定喇！

開發商：Liar Soft