想喺日本嘅漫畫界成名，漫畫家如果冇番一定嘅實力，真係好難做得到。乜嘢叫做實力呢？綜合嚟講就係畫功、題材同講故事嘅技巧，當中尤其係後者更重要。好似三巷文咁，其作品不但故事出色，且成功喺青年及成人漫畫界中立足，變化極多嘅畫功更係華麗得嚟又夠晒美感，難怪佢嘅處女單行本《這種事》，深得成漫迷喜愛。
日本嘅成漫家為咗唔想影響佢喺青年漫畫界嘅發展，都會用唔同嘅筆名，既唔會影響形象，又方便讀者區分。不過對三巷文嚟講，卻唔會理會形象問題，不論乜嘢作品都係行不改名，坐不改姓，一律採用呢個筆名。呢位漫畫家最大嘅特色，就係佢嘅畫風變化性極大，有幼細線條，亦有狂野線條，對比感極強，視乎唔同嘅主題而採用邊一種風格。
三巷文曾擔任日本人氣電視動畫《地球隊長》嘅人物設計，又擔任noitaminA系列動畫，改編自已故科幻作家伊藤計劃筆下三部同名作品的劇場版動畫《虐殺器宮》、《和諧》及《屍者的帝國》嘅繪製工作。此外，佢先後推出過《瓦爾基麗小姐 淫蕩的女戰神》、《女戰神瓦爾基麗2 孕之殘月》同《女戰神瓦爾基麗3 墮落大地》嘅畫冊。當然出色嘅畫功固然重要，講故事佢亦相當拿手，而以成人漫畫月刊《Comic Hotmilk》同《Wani Magazine》為發表基地嘅佢，就透過成人題材展現佢講故事嘅技巧。佢表示唔會限制自己構思嘅題材，亦唔理故事內容係咪太過出位，只會考慮劇情夠唔夠吸引。雖然佢人氣爆燈，但係一直都未有推出單行本作品，正當大家引頸以待之際，就喺今年2月終於等到佢推出處女單行本作品《這種事》。
《這種事》多達264頁，全書共收錄咗16個以前喺《Comic Hotmilk》同《Wani Magazine》上刊登過嘅作品，當中包括《失控的表妹》、《Revenger×Massager》、《這種感覺！？》、《Don't Touch Me!》、《Mejikare》、《小熊》、《大熊》、《Sweet10…》、《二人的房間》、《借東西》、《私人標準》、《One Play》、《Unplug》、《備用鑰匙》、《月螢抄》同《丁香的時刻》。每個單元故事嘅畫功都充滿美感，故事更係吸引，而講到最值得推介嘅，則要數《小熊》呢個浪漫愛情故事。
話說喺女主角市川細個時收到一隻熊公仔做聖誕禮物，並幫佢取名做Luuji。市川長大之後，每晚都會搵Luuji嚟自娛，以獲得美妙無比嘅快感，佢以為同Luuji嘅秘密關係冇人發覺，卻喺一晚因為唔記得拉埋窗簾，畀住喺對面大廈嘅肥仔睇到。正當市川以為肥仔會要脅佢曳曳之際，卻估唔到原來肥仔根本乜都唔知，反而係市川自爆咗佢同Luuji嘅關係。得悉事件後，呢位叫中原仁嘅肥仔並無睇唔起或要脅市川，相反每晚去到市川屋企，教佢點樣修補被摧殘嘅Luuji，因而令市川漸漸愛上咗肥仔。市川決定以「自此冇得同Luuji自娛」為由，要求肥仔填補佢肉體上嘅空虛，結果肥仔喺半推半就下同市川發生超友誼關係。翌日，肥仔送咗個超巨型熊公仔畀市川，而呢個就係跟住落嚟《大熊》嘅事。如果想知道呢兩位戀人事後發展如何嘅話，就記得追睇埋落去喇！
作者：三巷文
出版：WANI MAGAZINE
頁數：264頁
撰文：魂