有真材實料唔愁冇生意

賣淫感應器？

之前講過北京有啲社區組織，監察社區內有冇人從事不法工作，早前就有人舉報咗個色情竇口出嚟！其實掃黃呢樣嘢真係幾講民間嘅幫助，不過跟住落嚟講嘅呢單嘢，就名副其實係反面教材喇！話說佛山有個姓朱嘅男人，佢熱心打擊色情活動，經常打電話畀警方舉報。驟眼睇落去，呢位舉報百幾次嘅朱男，真係好有正義感，只係睇真啲，原來單單都係流料，警方次次去到都一無所獲。搞到警察頭都暈，梗係要捉佢返去問話啦！原來呢位從事傢俬雕刻工作、月入7,000人民幣嘅朱男，自稱體內有個可以感應到賣淫情況嘅「感應器」，而最近一次就係佢經過佛山高明西江新城一間沐足城外，由於感應到裏面有色情服務，故此立即打電話舉報。最後朱男被行政拘留10日，並被處以500人民幣罰款。

人氣美容院

夜場囡囡制服扮演呢種玩法，有人話十幾年前已經有，家陣仲玩嘅話真係勁老套。不過你唔好理，正所謂「橋唔怕舊，最緊要受」，只要重新包裝，仍然大受玩家歡迎。據講台灣高雄有間色情美容院，從表面嚟睇佢係間好普通嘅美容店，玩家入到去後，就會喺櫃面度見到有張海報，上面印有一班制服靚女嘅相片，當中包括水手服、OL服、女護服等，而相下面更貼心地印埋佢哋嘅私聊QR Code。有心嘅玩家只需掃一掃個Code，就可以約囡囡入房曳曳。呢種玩法對玩家嚟講相當吸引，加上制服誘惑令人難以抗拒，難怪呢間「美容院」相當有人氣，唔愁冇生意啦！

嫩口女優雲集

日本嘅風俗店為咗省靚招牌，同埋吸引玩家捧場，都鍾意搵啲現役或退役嘅AV女優嚟客串幾日。不過呢種做法只能起到短期嘅作用，當女優離開後好快又會打回原形。不過，位於東京錦絲町嘅「E+」出張風俗店，卻一啲都唔使擔心呢個題，究竟係點解呢？原來呢間風俗店最吸引嘅地方，就係佢哋長期有超過15位AV女優坐鎮，當中不乏現役兼具人氣嘅女優，而且更不惜工本搵嚟專業攝影師幫呢班女優影寫真同拍片，認真落足本錢！此外，店內嘅風俗孃年齡唔超過25歲，保證個個嫩口卜卜脆。至於佢哋點樣搵到咁多女優呢？坊間傳聞有好多，有人話呢間風俗店嘅老闆同AV女優嘅經理公司好熟，又有人話因為該店夠人流，加上風俗孃嘅口耳相傳同互相介紹，結果吸引到咁多女優加入行列。不過實情係點，真係只有老闆先至知道。

撰文：魂