真真假假 試完都唔知

視頻業潛力厚

內地嘅色情視頻禁極都有，皆因市場有需求，而最重要嘅係利潤相當大，難怪吸引咁多人鋌而走險！究竟利潤大成點呢？話說早前安徽有關部門喺宿州查獲一個網絡色情視頻嘅組織，咪睇呢個組織得37人，佢哋嘅生意卻遍及全國各地，演出視頻嘅女性年齡層更係相當廣泛，由18至40歲嘅人妻都有。此外，佢哋涉及嘅金額高達千萬人民幣，呢啲資金係嚟自會員費及喺表演色情視頻時，屏幕前嘅網友「賣花」送畀囡囡所付出嘅費用。另外為咗有效管理如此龐大嘅產業，佢哋嘅分工相當仔細，分為拉客、暖場表演、做秀等，喺咁大嘅利潤吸引之下，難怪有咁多人甘願冒險。

扮OL拉客

不論喺中港台邊個地方嘅夜場，以現職OL為名嘅囡囡都零舍吃香，不過呢啲所謂OL其實都係假扮，玩家只要同佢哋吹幾句水，話咁快就穿煲。喺台中經營色情私竇嘅37歲林姓囡囡，為免被有關當局查獲，於是聯同幾名姊妹轉戰台中市北區，並租咗一幢大廈嘅二樓，合共4個單位做私竇。為免被房東發現佢哋真正嘅身份，林女就以一身OL打扮簽租約，成功瞞天過海嘅佢，索性同班姊妹以OL Look示人，透過手機聊天App搵客，每次30分鐘嘅服務費為2,200台幣（約550港元），而林女則可從姊妹中抽佣700台幣（約150港元）。呢班「OL」魅力確實非凡，加上談吐得體，令玩家冧到痹，生意好到不得之了。須知道樹大招風，呢個私竇最近被有關當局查獲，而林女等人則被移送司法機關處理。

攞正牌做癡漢

日本電車為咗解決車廂內出現嘅癡漢問題，於是推出女性專用車廂，等女性有安全保障。而日本神奈川縣橫濱曙町嘅一間叫做「Rush Hour」嘅風俗店，就將房間打造成電車車廂，配合埋為一班電車癡漢度身訂造嘅玩法，完全滿足晒癡漢嘅心理。所謂度身訂造嘅玩法，就係玩家入到房後，有位化身成OL嘅風俗孃入嚟扮晒搭電車，呢個時候玩家可以對囡囡上下其手，跟住再進行深入嘅舉動，最後當然唔少得風俗孃反客為主，為玩家提供手口服務啦！據風俗店介紹，佢哋為咗令玩家玩得更投入，喺車廂設計上落足工夫，不但搜集咗唔同電車車廂嘅設計，又搵專人嚟裝修，務求做到同現實中嘅車廂一樣。至於收費方面，以40分鐘嘅服務時間計算，最低收費為11,000日圓（約715港元），縱然加埋指名費等嘅雜費，計落都好吸引。

撰文：魂