性感戰場

好耐都未見過以機械人為主題嘅作品，不過Game迷先唔好開心住，事關呢隻由日本遊戲商Age推出嘅作品《Schwarzesmarken 紅血之紋章》，並非大玩露三點同曳曳嘅成人遊戲，而係以性感作為賣點。雖然話露肉程度唔係咁到位，但係香艷加埋近嚟少見嘅機械人元素，都算係可以止痕。

故事發生喺1983年嘅東德，當時佢哋受到異星「BETA」侵略，迫使人類陷入一場絕望嘅消耗戰中。當中一支被稱為東德最強嘅第666戰術機中隊，有個「黑色宣告」之稱嘅少尉，為咗自己嘅理念投身於戰鬥之中。喺某場戰鬥中，佢為咗救助陷入重圍嘅戰術機，同另一位大尉一同出擊，卻估唔到對方原來係西德一位少尉。佢報稱為咗逃到東德，先至會陷入重圍並提出加入666戰術機中隊嘅請求。為咗監控佢嘅行動，於是東德高層就搵咗一位女指導員監察佢。經過多場戰役之後，卻發現原來呢位少尉到來嘅目的係為咗搵一個人，呢個人究竟係邊個呢？而佢嘅行動又會為戰局帶嚟乜嘢影響呢？

開發商：Age