自從Crypton Future Media喺2007年8月31日推出首個虛擬歌手初音未來以嚟，不但帶動虛擬偶像熱潮，而喺Crypton嘅官方同意下，更出現咗大批由粉絲創作嘅「VOCALOID衍生角色」，而怪物骸音鈣就係其中之一。呢位出自插畫師Deino手筆嘅角色，本身嘅造型真係超級驚嚇，好彩最新登場嘅模型採用咗「囚人與紙飛機」嘅版本。呢個版本嘅特色在於修長嘅身材，加上中門大開嘅戰衣，以及極之惹人遐想嘅無底設計，冇錯！佢真係冇着底褲，換言之即係半裸登場。不過大家咪以為有嘢睇，事關其重要部位畀多條皮帶遮住，所以大家只能靠自己幻想一下。話時話，點解呢個角色會係半裸嘅呢？理由好簡單，皆因佢其實係個機械人，既然係咁又使乜着底褲呢？