有人話喺現今資訊爆炸嘅年代，啲人已經唔再願意花時間消費文字，反而希望以圖像加精簡字句，喺最短時間內獲取資訊。喺日本成人漫畫界亦有呢種傾向，唔少漫畫家以極速進入正題嘅方法，讓成漫迷極速獲得快感，好似今次介紹呢本出自瑞志手筆嘅《女友與秘密》，就係當中嘅力作。
雖然瑞志經常喺日本成人漫畫月刊《COMIC HOT MILK》中連載作品，同時深得成漫迷歡心，之但係有關佢嘅資料相當少，僅知道佢以同人漫畫家身份出道，並且從事過商業作品創作而已。既然係咁，唔知呢位身份有啲神秘嘅成漫家，憑住乜嘢得到咁多粉絲支持呢？當然係佢筆下女角色嘅表情夠豐富又夠生動，須知道要令成漫迷投入故事之中，單憑器官特寫同床戲係唔夠，仲要透過面部表情，先至可以勾起讀者嘅原始本能，而呢點正係佢拿手嘅地方，難怪成漫迷咁鍾意佢，受歡迎度位列現今日本成漫家嘅前茅。
至於劇情方面，佢傾向短程爆發。乜嘢叫做短程爆發呢？就係故事開頭好簡單，純粹交代男女主角嘅關係，偶爾加入倒敍嘅手法，等大家知道故事背景後便即刻入正題。不過咁樣並唔會影響到作品嘅質素，皆因佢不但喺故事中加入情節，並且透過濕氣十足嘅畫面，令人睇得相當興奮。所謂嘅濕，大家唔好以為僅為重要部位濕笠笠而已，更重要係各個故事中嘅女主角，每次曳曳都總會搞到香汗淋漓，全身濕晒之餘，激烈嘅高潮反應更係誇張到流晒口水。咪以為畫面好核突，事關呢種過激嘅高潮反應喺AV中真係搵唔到，而呢種場面正係成漫引人入「性」之處。因為以上種種原因，令呢本喺上年12月推出嘅作品《女友與秘密》，備受成漫迷追捧。
呢本《女友與秘密》其實係收錄瑞志以往喺唔同成人漫畫月刊中發表嘅作品，全書共分為9個單元，總共8個唔同主題故事，當中分別為《兩個人的事》、《最美好的回憶》、《少女偶像的秘密 前編》、《少女偶像的秘密 後編》、《性愛啟蒙》、《戀生徒》、《石野的秘密》、《超乎想像的獎勵》同埋重新繪畫嘅點題作品《女友與秘密》。每個故事都各有特色，但講到當中最令人留下深刻印象，同埋可以代表瑞志嘅個人風格，則要數《性愛啟蒙》呢個古仔。故事講述女主角千尋係個唔擅長同男性相處嘅女仔，每次同男性傾偈或有身體接觸時面都紅晒。男主角道永經常喺人前整蠱千尋，令人覺得佢行為相當討厭，並且以為佢討厭女方，實情係掩飾佢同千尋嘅關係，皆因兩人係一對情侶！
雖然兩人話就話拍拖，但千尋總係好避忌，同道永保持距離，因而令道永誤以為千尋並非真心鍾意自己。其實點解千尋咁怕男人又同道永拍拖呢？原來千尋一直被異性相處面紅症所困擾，令佢嘅社交生活大受影響，而最重要嘅係因為咁嘅緣故，令佢唔可以同心儀嘅男性發展更深入嘅關係。難得遇上心愛嘅道永，佢決定豁出去，諗出蒙眼曳曳嘅方法。所謂蒙眼，就係先讓道永蒙住雙眼，好讓自己唔使咁緊張，跟住上床曳曳。喺兩人曳曳途中，道永覺得蒙眼唔夠暢快，於是除咗眼罩，就喺呢一刻，千尋終於突破自己內心嘅枷鎖，而道永亦終於可以感受到千尋濃厚嘅愛，從此兩人關係便突飛猛進，性福無比。
作者：瑞志
出版：Core Magazine
頁數：212頁
撰文：魂