做人要拎得起放得低，成日都孭住咁多包袱，盞自己做嘢唔專心，去玩又唔夠精神，至於點樣先可以解放自己呢？小弟暫時仲學習緊，但係大家不妨從書本鑽研一番，睇吓外國人點樣享受多P性生活，又或學習一下寫真女郎點樣喺光天化日之下將身體與大自然融為一體。睇完之後或者未能夠令大家得到解放，但係起碼可以拓展自己嘅眼界，得到視覺上嘅快感。
惡女一向都唔討好，但係日本呢位惡女就相當具人氣，佢就係現正活躍於藝能界嘅吉木莉莎喇！今年28歲嘅莉莎面孔標致，乃係正宗嘅美人胚子。除咗靚女，其胴體亦相當誘人，誘人之處不在於豐滿肉感，而係骨肉勻稱嘅苗條身材，加上騷入骨髓嘅演出風格，令莉莎喺寫真界可謂呼風喚雨。自上年開始，莉莎轉型做惡女，拍下《想被吉木莉莎發怒》DVD系列，佢對住鏡頭惡形惡相咁喪鬧，深受存在感愈來愈低嘅日本男人歡迎，令其DVD銷量大好。最近，莉莎收起惡態，推出大家期待已久嘅寫真集《OKOLE》，去到熱情十足嘅夏威夷取景拍攝，更盡情大解放，演出歷來最大膽嘅裸露場面，至於裸露到咩程度，大家就要買本嚟睇睇喇！
書名：《OKOLE》
售價：約HK$205
呢本係挑戰道德禁忌嘅情慾小說，故事講述一對結婚多年嘅夫妻，雙方一直都接受多P性關係，多年來相約不同男女開P，而呢對被外界視為無道德嘅夫婦一啲都唔覺有問題，反之認為從多人性行為中更了解到個人及對方性感受。無奈，無底線嘅性生活最終亦令呢對夫妻分開。作者Cooper S.報稱係多P夫妻嘅男主角，不但唔介意同陌生男士分享伴侶，更唔介意將個人性生活公開，雖然有人罵佢敗壞道德，但亦有支持者覺得佢敢於挑戰道德，亦敢於承認自己問題，亦有人指睇完佢嘅作品，令人重新思考一夫一妻制嘅婚姻關係及何謂正確性態度。對讀者嚟講係一本破禁小說，但作者就表示係個人回憶錄，將佢多年來嘅性生活無私公開，通過辯論、訪談及討論，去決定自己應否走到一夫一妻制框架底下嘅婚姻，定抑或做一個浪人，從此過着只顧享受，毋須負責嘅「快樂」人生呢？
書名：《My Life on the Swingset: Adventures in Swinging & Polyamory》
售價：約HK$136
撰文：賢、祖