上原亞衣百人斬最後告別

早前一股嚟自日本AV界嘅旋「峰」,以迅雷不及掩耳嘅攻勢襲擊香港旺角,只可惜佢哋逗留嘅時間太短,如果可以長啲嘅話,相信破壞性會更加強勁,而佢哋就係冇耐前宣布引退嘅AV天后上原亞衣,同埋8位嚟自著名AV片商KMP嘅超人氣女優喇!

告別感言

今年23歲嘅AV女優上原亞衣,於2011年出道至今4年,喺2013年於日本網購網站DMM獲得AV女優銷售排行榜冠軍,又喺2014年4月奪得DMM成人獎最優秀女優賞白金獎,呢張靚到爆嘅成績表,足以證明亞衣幾咁受歡迎,更奠定天后地位。正當亞衣事業如日方中之際,上個月出席「Japan Adult Expo」時宣布引退,令一眾粉絲極之傷心同難過。

今次難得亞衣蒞臨香港,梗係要問佢點解會有呢個決定啦!亞衣都知道大家心裏存有呢個疑團好耐,一出場就主動解答呢個問題,佢表示由於已經成為日本AV女優中嘅No.1,並且拍攝過多種題材嘅作品,事業上已經覺得好滿足,故此希望引退後能夠搵到新嘅人生目標。究竟亞衣嘅新目標係乜呢?佢笑道:「我最想做嘅事就係考車牌。」吓!就係咁簡單!至於問亞衣有冇考慮到香港發展時,佢表示如果有合適工作,例如拍電影,都會考慮嚟發展。另外,亞衣透露喺今個月31日會拍攝女優生涯最後一部AV作品,主題係「100人斬」,並且已經喺4,000名素人男當中,選出100人參與演出佢嘅告別作,絕對值得大家期待!喺亞衣告別之前,佢同粉絲發表感言,表示喺佢嘅女優生涯中未有到來香港舉辦活動而感到遺憾,希望將來能夠有多啲機會同香港粉絲接觸。

KMP女團登場

嗰頭送走咗亞衣,跟住就到8位嚟自日本AV片商KMP嘅人氣女優登場,佢哋分別係星美梨香、乙葉七瀨、彩城優里菜、濱崎真緒、佐倉絆、櫻井步、友田彩也香以及紺野光。老實講,真係好耐都未試過有咁多個女優團隊嚟香港,而當中更有幾位係炙手可熱嘅超人氣AV女優,真係令人開心又興奮!當日乙葉七瀨、佐倉絆、櫻井步同埋友田彩也香都着埋同一件黑色吊帶迷你裙出場,究竟佢哋係乜嘢來頭呢?原來佢哋係KMP旗下「Million Girls」AV女優組合嘅成員,以組合身份登場嘅佢哋,除咗會推出以組合為名嘅AV作品外,更會推出情趣用品。至於佢哋會否學似「惠比壽麝香葡萄」咁推出唱片,則要睇吓KMP未來嘅發展計劃。

既然難得嚟到香港,梗係要趁呢個機會,捉番幾個女優做訪問啦!先拉住風騷兼魅力過人嘅櫻井步,佢早前宣布將會退役,唔知佢有乜嘢打算呢?佢表示做番個普通人,暫時則未有長遠計劃。呢個時候見到被香港AV迷封為翻版人妻歌手嘅友田彩也香,馬上問佢既然咁有明星相,有冇打算向藝能界進軍呢?佢就話暫時未有咁嘅打算,目前先會集中喺「Million Girls」嘅工作上。至於出晒名個樣甜到漏嘅濱崎真緒,問到當佢發現男友對住其他女優有生理反應時,佢會點算呢?佢聞言便大笑話:「我仲未有男友呀!如果有(男友)嘅話,相信我會變得更加淫蕩囉!」估唔到佢外表咁斯文,內心竟然充滿激情。

撰文:魂