其實四仔界係咪要巴打連覺都無得瞓，24小時浸淫喺色情世界先安樂呢？家陣四仔碟多，色情網仲多，仲有脫星官網、社交網、視頻網等可謂無孔不入，今日連遊戲都唔放過巴打，講緊唔係屋企玩嘅電腦遊戲，而係可以任何手機或平板都隨時玩得到嘅鹹濕老虎機呀！
做脫星都係呢一代嘅好，雖然競爭大，但係機會亦較多，市場就更加唔使講，以前歐美只限附近一帶搵食，依家好多鹹網都有埋中文介面，係咪想賺人仔你自己諗喇！個餅大咗，脫星自然更多搞作，繼年前脫星流行玩真人騷即場同網友自摸吹水後，早前又流行色情即時通訊，巴打畀錢購買「脫星手機號碼」，任何地方任何時間，你想吹乜脫星都奉陪到底！就以上嘅色情娛樂，查實已經佔據晒四仔迷一日大部分時間，反而成人遊戲App就真係唔多，原因可能係兩大手機平台都唔撐色情有關，但唔代表色情娛樂會投降，好似一個叫「Slot Seduction」嘅網上遊戲，外界深信會愈嚟愈多脫星加入行列成為呢個遊戲嘅女郎！你可當佢係色情老虎機咁玩，拉吓（手禁）吓，贏咗積分就可以換禮物，包括脫星寫真、四仔短片等，據目前網站顯示，已經有近60位歐美脫星力撐，絕大部分更係中女，例如見其咪知其人嘅Tanya Tate、India Summer及London Keyes等。
坦白講，Slot Seduction呢個Game毫無新意，但係勝在免費有得玩，咁已經贏晒啦！官方表明全部「老虎機」目前都係免費任玩，當然你可以購買「點數」，直接買囡囡嘅片睇，又或者花時間慢慢「磨」隻Game，直至儲夠分換獎品，而佢哋亦會定期更新獎品，及加入更多脫星，保證冇悶場喎！好似今期最新宣傳口號「Cum With Courtney」，由正妹Courtney Cummz獨擔大旗，玩家只要喺限時內勝出，就可以有1小時免費同阿妹玩色情視頻，可惜幸運兒只得一名囉！點解要搵Courtney做宣傳，皆因佢嘅社交網有325,000個Followers，只要其中一成人撐阿妹都不得了啦，再配合遊戲網鋪天蓋地咁宣傳，一句到尾，你唔想玩都係會玩，否則同巴打邊有話題先？
話脫星難撈就假嘅，視乎你有冇心啫，你睇拉丁妹Nikki Delano，都唔知話佢Cheap定讚佢貴好？事緣阿妹喺年中話要搞自家購物網後，只要賣得佢都有售，例如有味胸圍底褲、着到爛嘅高踭鞋及二手波鞋等，平均50美元起，折合約390港元，但呢啲都好濕碎，因為阿妹連個人電話號碼都賣得，仲話可以隨時打畀佢暢所欲言，售價400美元，約3,120港元，幾千銀買個「冧巴」唔係問題，但係咪打畀佢真係會聽先？
撰文：祖