兩代波神鬥甜鬥誘人

政府宣傳片都有話:「不限年齡,用人唯才」,每個年齡階層都應該有其發揮所長嘅位置。而喺日本水着界,年齡亦一樣唔影響表現,好似一代水着波神杉原杏璃咁,家陣已年屆33歲,但魅力同比佢年輕10年嘅稚氣波神篠崎愛一樣咁強,仲同樣甜美迷人。

最真記錄

日本水着界好多女優雖然只係二十出頭,但係如果問到佢哋出道幾耐,講出嚟分分鐘嚇親人,因為佢哋唔少都喺十來歲就出道,部分更加十歲未夠就作泳裝演出,好似篠崎愛喺2003年出道,當其時佢僅得11歲。愛妹出道咁多年以來,美艷程度愈來愈強,但係面上仍保持一份天真稚氣,純真又甜美嘅萌味更加無人能及。當然,好多人同小弟一樣都着重欣賞愛妹嘅身材,皮白肉嫩,膚質鮮嫩無比,胸前一對飽滿嘅純天然G奶不論形、質、色俱屬優秀,好一對極品G奶!雖然近期愛妹以個人身份勇闖樂壇,但係對於拍攝水着寫真一樣咁勤力,《Reality》就係佢出道以來推出第42部寫真DVD喇。呢部作品碟如其名,記錄咗愛妹最真實一面,鏡頭主要捕捉其日常生活,而愛妹亦會透露一下心路歷程。當然,愛妹喺作品不乏火辣演出,大露酥胸誘惑觀眾嘅視覺神經,將美好身材表露無遺。

碟名:《Reality》

收錄時間:91分鐘

售價:約HK$268

渾身解數

好多人都認為女人年紀愈大,魅力愈趨下降,其實咁諗法已經不合時宜,家陣好多女星年過三十依然具吸引力,比篠崎愛年長10歲嘅杉原杏璃就係最佳例子,正進入最具魅力嘅階段!33歲嘅杉原杏璃乃係現今日本水着界最具人氣嘅女優之一,受歡迎程度足以列入三甲之中,大家去到日本除咗可以喺廣告、綜藝節目見佢到曝光率極高外,喺香港一樣可以見到唔少夜場、酒吧宣傳海報都套用其肖像。無他嘅,杏璃雖然已經三十過外,但係面上依然咁童顏,更重要嘅係其身材無與倫比,條腰幼一幼,上圍就有一對極品G奶,堪稱為黃金級身材比例,如此誘人用其肖像吸客乃係理所當然。《東京杏璃》係杏璃嘅最新寫真DVD,當中佢會施展渾身解數,又扮SM女王,又做出水芙蓉,而每套衫同泳裝都會展露其G奶嫩肉,更重要嘅係配上杏璃甜到漏嘅笑容,令人精神一振,相當醒神!

碟名:《東京杏璃》

收錄時間:101分鐘

售價:約HK$268

撰文:賢