由於身體構造不同，男人上床時要得到高潮可謂話咁易，但係部分女性可能一生都得唔到高潮，不過調查發現女性喺感受高潮嘅時間比男士長。每個人都會有小動作，至於男人喺慾火高燒嘅時候，會有咩小動作表現出嚟呢？日本每個地方都有其特色，至於邊個地方嘅女仔最好色呢？
近年來好多人都宣揚男女平等嘅訊息，小弟都好鼓勵男女同工同酬以及提高女性嘅社會地位，之不過，更加希望男人喺生理上可以同女性一樣，可以喺一次交歡當中付出嘅少，得到嘅多。我冇講錯呀！喺一般情況之下，男方通常只可以得到一次高潮，洩射完之後即由硬變軟，要梅開二度需要一段時間回氣，當然仲要身體狀態同機能上許可先得。而女性則喺一次性愛當中可以獲得多次高潮，大家話咁樣公平咩？另外一個唔公平嘅地方就係感受高潮嘅時間喇！外國情趣用品品牌LoveHoney訪問咗1,750位成年男女，當中有75%嘅女性表示能夠喺一晚當中得到多次高潮，而有心有力嘅男士就只有67%。感受高潮時間方面，女性平均每次能夠感受到10.9秒，而男士只得8.7秒，相差兩秒咁多呀！
男人相當要面，唔係咁想畀人睇穿自己嘅心思，特別係面對女性就更加會加強戒備，最重要就係唔想畀女方知道自己慾火高燒，好想搵個地方上床解決一下，一來免被女方認為自己好鹹濕，二來女方見狀就算唔刻意吊人胃口，亦可能會被嚇怕。至於男人喺慾火高漲時會有乜表現呢？日本男士媒體「Menjoy!」就有篇文章話男人喺慾火上升嘅時候有四大特徵：第一就係行路時只跨小步，唔可以大步走，因為血液已經集中於下半身；第二就係鼻以下嘅面部有複雜且不經意嘅郁動；第三就係除咗嘴以外嘅面部表情比較固定，因為思想已經諗緊出火嘅事情，仲邊度會有其他表情呢！第四就係聲音轉為低沉同細聲，原因係男人為掩飾自己嘅亢奮情緒免被對方發現，刻意壓低聲線同聲量。唔知男士們有冇發現以上情況真係有發生過呢？如果係咁下次就算心急上床都要自然一點喇。
近期日圓持續低水，有消息指出日圓兌港元匯率仲會繼續向低走，對於各位鍾意買日本貨以及去日本旅行嘅朋友真係一個好消息。去日本旅行，除咗購物同飲飲食食，唔少男士都想識番個日本妹，長遠咁發展感情又好，可以發生一夜情就更好，咁日本邊個地方嘅女仔最好性、最容易得手呢？早前日本安全套品牌就進行過調查，日本縣民性研究所嘅矢野新一就負責畀意見。調查發現岩手縣女仔對性事鍾情度排名第一，矢野先生就話當地女仔比較缺乏自信，好希望可以從外面注入能量，交歡被視為尋找能量嘅方法。佐賀縣女仔嘅性事頻度就為日本第一，矢野先生話佢哋性格強悍，想用性事嚟征服男人喎。至於擁有性經驗比率就以沖繩最高，矢野先生表示原因係沖繩女仔比較開放同主動。
撰文：賢