下身嘅長度問題相信困擾唔少男士，成日都怕自己唔夠長會影響到女方嘅滿足度，更擔心因為對方嫌自己短小而分手，事實上要令女方滿足，唔需要太長嘅。另一方面，男人亦嫌女方太「寬鬆」，喺日本就有逾5成男士因此而出軌。坊間有唔少方法可以令男士嘅命根增大，到底係咪有效呢？意大利都靈大學就進行過相關研究喇！
男人好多都有種自大心態，希望自己成為領導者，喺群體當中話晒事。有人分析佢哋咁諗其實係彌補自己身體嘅缺陷，例如下身唔夠長，早前有科學家話某種猿猴叫聲愈大睾丸愈細，就呢點提供一點證明。十隻手指都有長短，各位男士唔好因為短小而感到自卑，事實上女士們唔需要太長。根據美國洛杉磯大學同新墨西哥州大學嘅聯合研究顯示，受訪嘅75位成年女士所要求嘅理想長度平均係6.3吋，圓周則為4.8吋，符合呢個條件就可以令佢哋滿足，以及樂意同對方保持長久關係。不過，如果只係想發生一夜情，佢哋嘅要求就會高少少，希望男方嘅長度約6.4吋，圓周為5吋。然而，研究負責人建議男士唔使在意長度問題，因為實際上女士們分得好清楚，唔會要求男伴同鹹片男優一樣咁厲害。
隨着年紀愈大，身體狀態亦會走下坡，男人就會出現性能力衰退，而女士們亦可能會擔心小妹妹唔再緊緻，令男友或老公唔滿意。日本方面就此問題做咗一次調查，訪問咗711名年齡由20歲至60歲嘅男士，問及佢哋有冇覺得女伴太「鬆動」，結果發現有31.2%嘅男士答有。自認靚仔嘅朋友可能體驗更深，因為喺呢班男士當中與女伴交歡時體驗到「鬆動」感覺嘅人數係其他男士嘅兩倍，所以話靚仔都唔係着數晒。另外，因為覺得老婆唔夠緊緻而出去偷食嘅男士接近6成咁多。不過話時話，男士覺得女伴太「寬鬆」，會唔會係因為自己太細小呢？
小弟因為工作同興趣嘅關係，成日都會睇鹹網，而每次睇鹹網都會見到好多壯陽藥以及聲稱可以令小弟弟變大嘅廣告。雖然個人對小弟弟滿有信心，但係亦相當好奇呢類方法到底能唔能夠令男士下體再發育。意大利都靈大學泌尿科醫生Marco Oderda以及Paolo Gontero有鑑於此，進行一連串針對非侵入式下體增大方法嘅研究，佢哋首先研究羊眼圈，不過由於使用率唔高，搵到嘅用家唔足夠提供有效數據，故放棄羊眼圈嘅研究。至於聲稱可以靠真空吸力將下體拉扯變大嘅真空吸管工具呢，二人發現呢個方法只令下體喺勃起嘅時候增長0.67吋，軟下來嘅時候反而增加0.9吋，效用不大而且唔排除有副作用，例如造成海綿體撕裂等。二人研究完之後表示，男士們覺得下體短小好多時都係心理作用，因為佢哋發現好多求診嘅男士其實都唔算短小，比起真正被界定為短小嘅3吋勃起長度都要長。
撰文：賢