一講「AV旅行團」，巴打一定諗到可以揀心愛脫星睇佢砌，甚至落埋場執番劑。Sorry，呢啲純粹係你一廂情願，現實中嘅旅行團，只容許你執導演筒，將性幻想變成肉搏場面，但盛惠七萬幾港紙，發起呢個旅行團嘅正係西班牙獨立四仔導演Erika Lust，究竟得唔得？咁就要睇吓有冇土豪撐喇！
對於四仔迷嚟講，Erika Lust唔會識亦唔想識，事關呢位阿姐只集中喺歐洲，尤其喺西班牙搵食，而佢之所以彈出，全因為「小眾」而起。現年38歲嘅Erika，喺四仔界打滾長達十年，從編劇、拍攝到製片都係一手包辦，佢更自認係女權主義者，要為世上女性爭取合理權益，同男人看齊。約喺六年前，有感歐美四仔將性愛無限扭曲，對女性過分貶低，令外界對色情行業充滿誤解，決定將畢生所學貢獻社會，於是就開始自製色情電影，放心，唔係佢親自落場，Erika姐只係負責編劇、揀人及執導，作品由演員到性愛場面都以寫實為主，深得一眾師奶歡迎，亦因為咁，Erika愈拍愈多，漸漸起朵，成為西班牙主流以外最有名四仔導演，加上佢不畏強權性格，經常為業界發聲，因此得到行內行外人尊敬。之不過係咪咁就代表會成功呢？咁又未必喎！話說呢位女導演發現近年歐洲經濟愈嚟愈差，連帶色情事業都一池死水，於是佢早前同一間當地旅行網Trip4Real合作搞個AV旅行團，巴打絲打要付出250歐元就可以跟知名脫星（男女均可）一齊Fine Dine，又或去夜場歎紅酒吹水，巴打一定覺得有下文？咁你死心都得喇，雖然佢哋陪你一齊食飯飲酒，但全程都有職員跟住，況且嗰班脫星長期跟Erika搵食，絕對唔會有不道德交易，至於完咗旅行團就另計！
Erika姐對傳媒解釋成立「四仔旅行團」目的，一為振興經濟，二為糾正外界對四仔脫星嘅誤解，所以除咗飲茶灌水呢啲咁膚淺社交活動外，假如你想進一步了解，歡迎閣下掟低9,000歐元（約76,500港元），即可以一嘗四仔導演癮，畀得幾萬銀，當然有權選擇男女演員（最多50人）、性愛場面（最多5鑊）、甚至為四仔改名，名副其實一套屬於你嘅個人四仔，而Erika更會臨場協助你執導，教埋你控制現場大局方法，只可惜落床就冇你份，表面上好合理，無奈業界上下反應出奇地冷淡，有口痕友仲話Erika此舉純粹幫自己，希望識到更多投資者為四仔事業鋪路喎！係真都唔奇噃，出名乜都夠膽講嘅Erika，早前就曾同傳媒講過，希望兩位親生愛女可以繼承衣鉢，佢更將私生活同外界分享，話平日會同囡囡分享夫婦性生活點滴，果然係一名非常媽媽囉！
Erika姐十年來大大話話拍過廿幾卅套四仔，大部分喺西班牙都有獎攞，據網友表示最出位係《Cabaret Desire》，贏咗唔少獎，仲得到2012 Feminist Porn Award年度最佳四仔添！而呢套光怪陸離四仔，講述四段好淫亂嘅男女交錯經歷，帶領觀眾滿足官能同時會去探索欲望秘境，睇四仔都咁有深度，你認輸未？
想為女權發聲，想拍四仔，想改變色情界又點只Erika Lust一人吖，假如真係咁有心，點解唔籌旗拍四仔呢？近年乜乜乜都話掟上集資網籌錢，其實四仔都一樣得，好似呢個叫「O'actually - Making Adult Films By Women For Women」目標籌17,500美元就會開拍一部女同四仔，唔好理佢有幾大理念，反正好與否好主觀，只要有老細咪得囉！
堅持男女平等嘅Erika，連床上都要無分彼此，所以佢每次接受訪問，都不諱言分享個人性生活，早前佢更分享女人床上取悅對方性愛十式，男女不拘，佢話若然用齊十招伴侶都唔興奮，問題一定唔喺你度，可以即飛，有興趣上去望望！
撰文：祖