有人話色情服務只係體現男人生理上嘅需求，亦因為佢哋有需求先至會有供應，好似內地一直以嚟都積極嚴打色情網站，卻一直打極都唔完正係咁嘅原因。台灣有色情美容店為咗吸客，以昏黃燈光遮遮掩掩囡囡嘅真面目。
內地嘅色情網站一直都係被大力取締嘅對象，當中包括夜遊資訊網、鹹片網、色情廣告網等。既然有關當局睇得咁緊，按道理應該唔會有人夠膽鋌而走險，但事實係咪咁呢？話說喺今個月初，內地破獲一個巨型色情網站。呢個由一位武漢某高校畢業生開設嘅鹹網，以會員制嘅方式營運，網站內容包括為色情場所提供宣傳平台，玩家可以透過當中嘅資料搵囡囡，另外仲有色情影片及曳曳賽後報告等。至於佢嘅收費方法相當有系統，會員可按季度、年度及終身三種VIP服務，「資助」網站營運，至於「資助價」則分別為100、200同300蚊人民幣，而會員更可用多種充值方法購買多種服務。據講呢個網站嘅VIP會員有1,323個，而註冊會員更多達114,318個，數量認真犀利！雖然最終網站負責人難逃法網，但從另一個角度睇，說明色情網站實在有唔少捧場客。
去到色情架步，當見到盞燈又黃又暗，就知道當中一定有蠱惑。不過男人去到臨門一刻，已經係唔做唔得，就算盞燈暗到好似冇着燈咁，都一樣照去可也！好似台灣高雄就有間透過手機聊天App搵客嘅色情美容坊，佢哋將僅穿薄紗睡裙嘅囡囡相片擺上網，喺火辣艷照嘅魔力下，吸引唔少玩家慕名而嚟，美容坊以3班制嘅24小時營業模式，滿足玩家嘅需求。睇落去好似冇乜嘢，不過喺今個月初佢被有關當局破獲時，卻發現驚人秘密！原來店內所謂惹火辣妹，竟然係一班年過40嘅徐娘！為咗避免玩家發現呢個真相，佢哋特登將房間內嘅燈光調校到有咁暗得咁暗，玩家被蒙在鼓裏，以為囡囡青春逼人，縱然半套收費要1,600新台幣（約400港元），仍有唔少客人覺得超值！最搞笑嘅係當日被破獲時，現場有3名玩家竟然唔願走，佢哋嘅理由係話呢度嘅囡囡好難預約喎！
撰文：魂