日本成人動作遊戲中嘅女主角，唔理佢有幾好揪，最後都會成為被凌辱嘅對象。縱然唔合情理，只係呢種題材卻係歷久不衰兼有唔少捧場客，由日本成人遊戲商VALKYRIA推出嘅最新作品《聖騎士瑟魯西亞～惡辣陰險公主～》就係主打呢個題材嘞。故事講述掌握神聖力量嘅索女聖騎士塞爾西亞，與同伴一齊攻擊魔王格薩爾。激戰過後，塞爾西亞嘅哥哥塞尼亞雖然不幸犧牲，但卻成功將魔王封印，並換嚟短暫嘅和平。某日佢哋收到一個緊急號令，指首都附近嘅城鎮阿爾特被獸人奧爾加所帶領嘅盜賊團攻擊，於是塞爾西亞率領一眾騎士前往救援，並成功擊退敵方。點知喺夜晚嘅慶祝會時，騎士竟變成怪物去攻擊城中嘅女性，原來呢一切都係魔王個女露基烏斯設下嘅局，而解救變成怪物嘅騎士，唯一嘅方法就係要聽從佢嘅指令。究竟塞爾西亞最後能否喺受盡獸人凌辱嘅日子中脫險，並將呢位繼承魔王稱霸大陸嘅公主打敗呢？