雖然健康飲食係要少食多餐，但係有時嚟個狼吞虎嚥亦甚為過癮，我唔係話食飯，而係指享受閱讀樂趣。書本可以長時間保存，如果只係得幾十頁就一定睇得唔夠過癮，另一方面，如果係寫真集的話頁數愈多愈好，而最能夠令讀者得到滿足嘅係女優豐滿嘅上圍，夠晒分量，今日為大家介紹嘅讀物就符合晒以上條件喇！
日本新紮水着妹相當多，而久松郁實算係當中最出色亦最有前途，同時冒起得最快嘅一個。今年19歲嘅郁實青春貌美，天真調皮又精靈，令人精神一振。而更令男人倍覺精神嘅，仲有郁實嘅火辣胴體，身高5呎5吋，身材健美苗條，上圍更有一對分量十足嘅E Cup美巨乳，堅挺而富彈性，外形美觀吸引，乃係一對極品好波。前年成為三愛水着代言人之後，郁實嘅星途愈來愈強，除咗參演日劇，亦經常演出電影，喺明年上映嘅《櫻之雨》中，阿妹就飾演一個重要角色，呢部電影仲參加第28屆東京國際映畫祭添。雖然工作忙碌，但郁實亦不忘拍寫真一騷青春胴體益街坊，而喺寫真集《La iku》當中，阿妹去到夏威夷拍攝，以熱情洋溢嘅海灘景色，配襯辣度十足又帶古銅色嘅肉體，將熱情同視覺刺激進一步提升，就算天氣凍都睇到人全身熱辣辣。
作為一個專業「淫」員，四仔要時刻關注，性愛知識亦不能忽略，因為咁先可以達致身心平衡嘛！可惜呢個世界好公平，上網睇得四仔就冇時間「爬文」，況且對於討論區「字海」，巴打都唔願意睇啦！最好方法就係有人將性愛精華集結成書，將你我他都經常遇到嘅性愛疑難以最簡單方法列出，咁咪人人都可變性愛專家囉！真係有咁筍？有呀，「Good Vibrations」向來係巴絲打購買情趣用品或解答性愛疑難嘅網站，原來呢個網站未開設之前，團隊已於其他媒介為大眾解答奇難雜症多年，加上有性學家Dr. Carol Queen坐鎮，定期舉辦性愛訓練講座及兩性關係分享會，講性學權威，「Good Vibrations」真係無得輸呀！不過佢哋今日都要認「書」！或者佢哋明白到上網雖然方便，但係實體書始終有佢嘅功能性，故將男女性愛中遇到嘅問題，集結成《The Sex & Pleasure Book》，全書473頁，志在改善及提升大眾性愛質素，由震蛋選擇到前後門玩法都有講及，仲有教你「一句撻着囡囡性暗示句子」，對男人真係好有幫助呀！
坊間有唔少教授男士床戰技巧嘅書，而67歲日本醫學博士石原結實認為，縱然擁有好似AV男優咁超卓嘅床技，但欠持久力都係枉然，因此佢推出呢本專為提升男士持久力嘅著作《男人持續力》。石原結實嘅來頭唔小，事關佢不但行醫多年，更致力於結合中藥及食物嘅特殊療法以診治病患，曾推出過《吃出好體溫》、《停止喝過多的水》、《不生病的秘密》等著作。呢本係佢首本以男性為題材嘅健康教育作品，書中唔會一味講解點樣提高床上戰鬥力技巧，而係集中於飲食同運動兩方面，等男士可以從最基礎又最自然嘅方法提升床上持久力，更有個案分享以提高說服力。正如佢喺書中一開始就指，若然冇持久力嘅話，縱是高手也枉然，男士們不妨參考一下。
撰文：賢、祖、魂