時間總會喺不知不覺間溜走，而世事亦總係喺大家意識唔到嘅情況下轉變。做乜突然咁唏噓？皆因睇見家陣內地嘅夜遊服務，搞到要山長水遠運女去提供服務，目的只係為咗搵食。另外，台灣最近發生咗單同拘捕囡囡有關嘅爭議，至於日本則發現新進嘅囡囡趨向提供手作仔多過口舌服務。
以前喺內地曳曳，嗰啲重點夜遊城鎮嘅架步真係多到暈，每十步就有一檔，真係睇到眼都花！不過家陣時移勢易，囡囡一集中啲就馬上會畀人發現兼成為重點監視，試問夜遊業者又點敢集中咁多囡囡喺一處地方之餘，更係講求成個交易有咁快得咁快，以減低風險。廣州白雲就有個專門為酒店提供囡囡上門服務嘅集團，竟然諗到一條山長水遠運女嘅橋，而佢哋嘅營運方法就係先透過手機聊天App搵客，並同玩家約定喺某間酒店等後，再將住喺佛山南海區嘅囡囡，以專車一次過送過去，當交易完成後再一次過運返去南海。為咗可以提升交易速度，同埋避免手上有太多現金，佢哋更專門提供POS機畀玩家碌卡。此外，佢哋為咗避過追查，每十日至半個月就會轉換搵食地點。雖然佢哋絞盡腦汁，但係最後仍然難逃被拘捕命運，真係搵食艱難呀！
台灣嘅夜遊服務一向都係被禁嘅對象，呢層相信好多人都明白。雖然你有你查，但係為咗搵錢仍然有唔少人鋌而走險，只係講到最近卻爆出一單先享受再取締嘅爭議。話說事發喺上個月嘅桃園平鎮區一間色情按摩館，當晚有喬裝成玩家嘅警員入內，表示想消費店內嘅半套服務。按摩店負責人就介紹咗一個技師畀佢，跟住佢哋雙雙入房。經過40分鐘按摩後，技師就提供口舌服務，點知吞吐咗冇耐玩家就表明身份，配合早喺店外埋伏嘅警員將館內眾人一網成擒。爭議位在於有人認為，警員既係已試咗服務嘅玩家又係拉人嘅嗰個，雙重身份好容易有陷害教唆嘅嫌疑。有資深嘅台灣刑警就認為，如果要取締色情場所，最好都係避免自己落場，反而計準玩家入正題嘅時機再拘捕，先至係最穩當嘅做法。
日本嘅風俗店雖然冇得「本番」，即係提槍入正題嘅服務，但係卻有令玩家回味不已嘅口舌服務，而有研究指原來早喺江戶時代，亦即係17世紀時，當地嘅風俗孃已經有提供呢種服務，而當時稱呢種服務做「口取」或「千鳥之曲」，家陣則叫做「尺八」。隨住時間推移曾經一度沒落，只係及至上世紀70年代，受到美國經典鹹片《深喉》影響，才再次成為風俗店嘅主要服務之一。不過時至今日，呢種口舌服務已非主流，反而係以手作同「乳首舔」為主。點解會有咁嘅轉變呢？原來新入行嘅風俗孃唔再鍾意提供呢種服務，反而覺得手作同舔提子更加容易令佢哋接受，服務時間亦可以因此縮短而做多幾個客，配合相關服務費下調，而喺咁嘅情況下愈嚟愈多風俗店刪去呢項服務，甚至喺東京池袋出現以專門提供呢兩種服務嘅「乳首舔及手作專門店」，日本嘅業界人士均視之為新趨勢。
撰文：魂