同椅有關嘅成人話題，就咁諗嘅話好似真係得合歡椅一張咁大把，真係搵多個嚟講吓都好難。如果以椅子嘅英文Chair去諗，會唔會好啲呢？都係諗唔到？事實上，喺英文及日文嘅情色字典中，不乏同椅及Chair相關嘅俚語同用語，依家就話畀大家知啦！
如果直譯「Barber's Chair」做髮型屋中嘅理髮椅，係冇錯嘅，只係喺情色俚語中卻有另一種意思，原來係指一啲生意極旺嘅妓女咁解。其實想理解呢個詞語一啲都唔難，事關理髮椅人人可以坐，而坐過嘅人愈多即係生意愈好，於是引伸到解作生意旺盛嘅妓女意思。話說回來，妓女生意好又唔代表搵得多錢喎！須知道有啲妓女要同扯皮條亦即係燈頭拆帳，因此有機會收入仲會少過扯皮條。唔係吹水，美國上年就有個關於扯皮條收入調查，喺全美咁多個有妓女服務嘅城市中，亞特蘭大嘅扯皮條以平均每周32,833美元（約256,097港元）成為全美收入之冠；至於每周收入最少嘅，則為位於密蘇里州堪薩斯城嘅扯皮條，佢哋平均每周收入5,000美元（約39,000港元）。
「Electric Chair Position」又稱為「Electric Chair」，只係佢喺情慾詞典中並非解做電椅，而係指一種高難度嘅性愛體位。呢招名為「電椅」嘅性愛招式究竟係點玩呢？玩法就係要事先準備一張有椅背嘅櫈，男方背向椅背踎喺櫈上，然後雙手向後撐住椅背趷起下半身，女方則背向企喺男方前面，將蜜洞對準兵器後互動。由於呢個招式男方要不斷挺起下半身郁動關係，效果就好似電動按摩椅一樣，因此而得到呢個稱呼。咪以為呢個體位係老作，佢早就被收錄於由英國作家Samantha Taylor喺2008年出版嘅性愛體位名作《101 Sex Positions: Steamy New Positions From Mild to Wild》中，想了解更多呢個招式嘅話，可以買番本嚟研究。
呢部《Chair Fraiche 3》係由法國色情片商JTC Video製作嘅四仔，話說呢個系列喺法國推出兩集後，仍然不為人所認識，因此去到第三集時，佢哋決定搵嚟曾喺歐洲色情電影頒獎禮Eroticline Awards中，屢獲殊榮嘅法國著名男脫星及四仔導演Greg Centauro執導，並且以一眾法國囡囡演出，再加上人氣匈牙利脫星Gina B坐鎮，聯手炮製出呢個系列最新作品。憑住導演嘅頂級功力，加上一眾索爆脫星瞓身演出，令呢套作品不但喺法國大受歡迎，喺美國更係引嚟極大回響，同時亦成為經典四仔，其後推出嘅第四集及第五集同樣備受好評，可惜跟住就完結，而Greg喺2011年3月26日因濫藥而逝世，享年34歲。
如果有留意開日本AV嘅洗浴或泡姬系列嘅話，都會見到呢張相當有人氣嘅「スケベ椅子」。所謂嘅「スケベ」有鹹濕、好色同淫靡嘅意思，加上椅子兩字咪即係鹹濕櫈！其實講咗咁耐，佢即係乜嘢嚟呢？原來佢係一張呈「凹」字形嘅櫈仔，玩法係男優坐喺櫈上，囡囡從後伸手為男優捽弄兵器。其實佢除咗係AV中常見嘅道具外，亦係日本嘅洗浴風俗店常見嘅「法寶」，風俗孃透過呢張櫈就可以為玩家提供手作服務，等玩家可以喺勁舒服嘅情況下發射升空。
撰文：魂