雖則話市場上的確有囡囡渴望做脫星而入行，好似早前「華爾街實習生」Veronica Vain表示性慾高漲到要落床砌先過到日晨，但呢個只係個別例子，其實大部分脫星都係冇乜得好揀先會咁做，早前成人網站Adult Empire就搵咗幾件炙手可熱脫星自爆童年夢想工作，咪睇佢哋今日呼風喚雨，原來理想同現實一樣相差好遠！
巴打可以覺得無聊，但脫星未必要開口埋口色情先有人睇嘅！好似外國成人網今期流行問一啲無聊問題畀脫星作答，睇佢哋即時反應反而仲覺得過癮，尤其最近問到脫星志願更引起網民熱議，成人傳媒搵嚟9位脫星訪問，由熟女到嫩口都有，包括Bonnie Rotten、Nicole Aniston、Richelle Ryan、Jada Stevens、Kayden Kross、Riley Reid、Kendra Lust、Joanna Angel及Nikki Benz，件件都咁起朵，巴打可能會問，坊間脫星眾多，點解要搵呢幾個，答案都係嗰句啦：「成功咗講乜都啱！」況且以上9位脫星係非一般成功，就算即刻劈炮唔撈副身家都夠食過世囉！因此問佢哋理想職業，話唔定當阿姐有日退休，真係會轉行都未定！但睇現實，Nicole Aniston話想做犯罪心理學家或狙擊手，成功機會微乎其微，雖然阿姐喺四仔經常扮專家，床上調教男女，亦試過拍着軍服四仔，可惜佢高中畢業已入行，加上人到「中」年，但佢喺短片訪問中話私下睇好多心理學書，對人性非常了解喎！
咪以為每個脫星都不切實際，好似Joanna Angel咁，佢自言最鍾意做生意，結果喺四仔界都有自己公司Burning Angel，算撈得唔錯，Joanna喺訪問中好肯定咁話，假如當日唔係貪玩及好「性」，就係餐廳老闆一名，佢話自己廚藝了得，對數字又敏感，加埋一齊做生意必定成功喎！難怪Joanna姐喺社交網成日分享飲食相，仲不時同大廚合照添！自言愛心爆棚又鍾意細路仔嘅Riley Reid原來一直想做教師，無奈年少氣盛又怕工作沉悶，當日入行剝衫，曾經想過退下火線轉型做教師，可惜脫星個名抹唔甩，依家想返轉頭都冇可能囉！
而最大想頭肯定係今期紅到爆熟女Kendra Lust，佢親口講想做腫瘤科醫生，但睇番佢報稱學歷，從影多年都係中學畢業，更曾經兩度為咪咪僭建，計我話做整容醫生係咪有說服力啲呢？另一位性格同志願都好夾嘅非Nikki Benz莫屬，阿姐每次出場都講「台型」，又鍾意同人鬥嘴，喺業界結下不少仇家，而佢話志願係做一名律師，真係襯到絕呀！
脫星志願唔係脫星，而四仔迷睇四仔都好希望脫星扮其他職業，舊年成人網Pornhub就統計出網民年內搜尋習慣，發現最多人搜尋冠軍係「Teacher」教師四仔，其次係Babysitter「保母」，季軍係大熱嘅護士，而近年更Hit嘅瑜伽教練都入十大，圖中又有冇你心水先？
有「粗暴性行為」大師之稱嘅著名導演兼男優Rocco Siffredi喺美國四仔界打滾超過十年，年屆51，演出超過1,300套四仔，征戰至今都未言退，多年前佢喺訪問中自爆一心想做教師，無奈生活逼人，加上學業成績一般，結果加入四仔界兼職，點知愈做愈興奮，一直砌到今日有個人製作公司添！之不過大哥莫忘初衷，最新就以個人名義，搞咗間色情大學「Porn University」，專收18歲以上男女學生，為有志投身脫星界男女做好事前培訓，早前更親身落場講解四仔方法演技，據講整個課程長達13堂，連外國新聞網都有報道，有興趣不妨上網睇片了解！
撰文：祖